Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 6:1-10

IVYO VILI MU BUKU ILI

  • Kulomba wovwiri

    • Ŵakufwa ŵakulumba Chiuta yayi (5)

    • Chiuta wakupulika pempho (9)

Kwa wakulongozga sumu. Yimbike na vyakwimbira vya vingwe, muyichunire pa Shiminiti.* Sumu ya Davide. 6  A Yehova, munganichenyanga uku muli na ukali yayi, Ndipo munganilanganga uku mwatukutwa chara.+   Munilongore lusungu, A Yehova, pakuti nkhulopwa. Nichizgani, A Yehova,+ pakuti viwangwa vyane vikumbwakamira.   Nahangayika chomene,+ Ndipo nkhufumba imwe, A Yehova, kasi viŵenge nthena m’paka pawuli?+   Welerani, A Yehova, nithaskani.+ Niponoskani chifukwa cha lusungu* lwinu.+   Uyo wafwa wangamuzunurani* yayi. Ni njani wangamulumbani mu Dindi?*+   Navuka na kutampha kwane.+ Usiku wose nkhunyeweska bedi lane na masozi. Nkhuzumbwiska chakugonapo chane na kulira.+   Jiso lane lalolotera chifukwa cha chitima.+ Lalopwa* chifukwa cha wose awo ŵakunisuzga.   Fumaniko kwa ine, mose imwe mukuchita uheni, Pakuti Yehova wapulikenge kulira kwane.+   Yehova wapulikenge pempho lane lakuti wanovwire.+ Yehova wapokelerenge lurombo lwane. 10  Ŵalwani ŵane wose ŵalengeskekenge na kuchita wofi. Ŵawelerenge chafutanyuma chifukwa cha kukhozgeka soni mwamabuchi.+

Mazgu Ghamusi

Panji kuti, “chitemwa chakugomezgeka.”
Panji kuti, “wangamukumbukani.”
Panji kuti, “Sheole,” ndiko kuti, malaro. Wonani Mang’anamuro gha Mazgu.
Panji kuti, “Lachekura.”