Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 58:1-11

IVYO VILI MU BUKU ILI

  • Kuli Chiuta uyo wakweruzga charu chapasi

    • Kulomba kuti ŵaheni ŵalangike (6-8)

Kwa wakulongozga sumu. Yichunikire pa “Kuparanya Yayi.” Salimo la Davide. Mikitamu.* 58  Kasi mungayowoya urunji apo mwati waka chete?+ Kasi mungeruzga mwakunyoloka, imwe ŵana ŵa ŵanthu?+   Kweni mukwata ubendezi mu mtima winu,+ Mawoko ghinu ghakuchita vyankhaza mu charu.+   Ŵaheni ŵakupuluka* kwambira mu nthumbo. Mbakupuluka na ŵatesi kufuma apo ŵakubabikira.   Mazgu ghawo ghali nga ni mata ghakali gha njoka.+ Mbakumangwa nga ni njoka ya nyachikho iyo yikujara khutu lake.   Yipulikenge yayi mazgu gha ŵamayere, Nanga nyanga zawo zingaŵa zankhongono wuli.   A Chiuta, lakaskani mino mu mulomo wawo! Wongondorani miskati ya nkhalamu izi, A Yehova!   Ŵazgeŵelekere nga ni maji agho ghakwenda. Wapinde uta wake na kuŵawiskira pasi na mivi yake.   Ŵaŵe nga ni nkhonyo iyo yikusongonoka para yikwenda. Nga ni bonda uyo wababika wakufwa kwambura kuwona dazi.   Pambere miphika yinu yindambe kuthukira pa moto wa minga ya kankhande, Wapyepyeturenge swatu zose ziŵisi na zakugolera, nga ni para zayegheka na chimphepo chankhongono.+ 10  Murunji wasekelerenge chifukwa wawona kuwezgera nduzga.+ Malundi ghake ghanyewenge na ndopa za muheni.+ 11  Penepapo ŵanthu ŵatenge: “Nadi, njombe ya murunji yiliko.+ Waliko nadi Chiuta uyo wakweruzga mu charu chapasi.”+

Mazgu Ghamusi

Panji kuti, “ŵakunangika.”