Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 56:1-13

IVYO VILI MU BUKU ILI

  • Kulomba para munthu wakutambuzgika

    • “Nkhuthemba Chiuta” (4)

    • “Masozi ghane mu thumba linu lachikumba” (8)

    • “Kasi munthu wangachitachi kwa ine?” (4, 11)

Kwa wakulongozga sumu. Yichunikire pa Kimbiro ka “Nkhunda ya Phee Iyo Yili Kutali.” Salimo la Davide. Mikitamu.* Pa nyengo iyo Ŵafilisiti ŵakamukora ku Gati.+ 56  Nilongorani lusungu, A Chiuta, chifukwa munthu wakuniwukira. Zuŵa lose ŵakunitimba na kuniyuzga.   Zuŵa lose ŵalwani ŵane ŵakunihang’ura, Ŵanandi ŵakulimbana nane mwakujikuzga.   Para nawopa,+ nkhuthemba imwe.+   Nkhuthemba Chiuta, nkhopa chara, Chiuta, uyo mazgu ghake nkhughalumba. Kasi munthu* wangachitachi kwa ine?+   Zuŵa lose ŵakuniwuskira suzgo. Ŵakughanaghana vya kunipweteka pera.+   Ŵakujoŵelera kuti ŵaniwukire, Ŵakuniŵenda palipose,+ Ŵakukhazga kuti ŵanange umoyo wane.+   Ŵakanani chifukwa cha uheni wawo. Na ukali winu bwangandulirani pasi mitundu, A Chiuta.+   Mukuŵanika kuyingayinga kwane kose.+ Sungani masozi ghane mu thumba linu lachikumba.+ Asi ghali kulembeka mu buku linu?+   Ŵalwani ŵane ŵawelerenge pa zuŵa ilo nichemenge kuti munovwire.+ Nili na chigomezgo chose kuti: Chiuta wali nane.+ 10  Chiuta, uyo mazgu ghake nkhughalumba— Yehova, uyo mazgu ghake nkhughalumba— 11  Nkhuthemba Chiuta, nkhopa chara.+ Kasi munthu wangachitachi kwa ine?+ 12  Nakakika na vilapo vyane kwa imwe, A Chiuta.+ Nipelekenge viwongo kwa imwe.+ 13  Pakuti mwathaska umoyo wane ku nyifwa+ Na kukhozga malundi ghane kuti ghaleke kukhuŵara,+ Mwakuti nendenge pamaso pa Chiuta mu ungweru wa ŵamoyo.+

Mazgu Ghamusi

Mazgu gheneko, “thupi lingachitachi.”