Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 54:1-7

IVYO VILI MU BUKU ILI

  • Kulomba wovwiri pakati pa ŵalwani

    • “Chiuta ni movwiri wane” (4)

Kwa wakulongozga sumu. Yimbike na vyakwimbira vya vingwe. Masikilu.* Salimo ilo Davide wakimba, Ŵazifu ŵati ŵamuphalira Sauli kuti: “Davide wakubisama kwa ise.”+ 54  A Chiuta, niponoskani na zina linu,+ Munivikilire+ na nkhongono yinu.   Pulikani lurombo lwane, A Chiuta.+ Tegherezgani mazgu gha mu mulomo wane.   Pakuti ŵalendo ŵakuniwukira, Ŵanthu ŵankhaza ŵakupenja umoyo wane.+ Ŵakumuchindika chara Chiuta.*+ (Selah)   Wonani! Chiuta ni movwiri wane.+ Yehova wali na awo ŵakunifighilira.   Wawezgerenge ŵalwani ŵane+ uheni wawo. Kuyana na kugomezgeka kwinu, muŵamare.*+   Nipelekenge sembe kwa imwe+ na mtima wose. Nilumbenge zina linu, A Yehova, pakuti ndiwemi.+   Pakuti wakuniponoska ku suzgo yose,+ Nilaŵiskenge pa ŵalwani ŵane mwauchatonda.+

Mazgu Ghamusi

Panji kuti, “Ŵakuŵikapo Chiuta pamaso pawo chara. ”
Mazgu gheneko, “muŵachetamiske.”