Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 51:1-19

IVYO VILI MU BUKU ILI

  • Lurombo lwa munthu wakung’anamuka mtima

    • Wakwananga kufuma mu nthumbo (5)

    • “Nitozgani ku kwananga kwane”” (7)

    • “Lengani mwa ine mtima wakutowa” (10)

    • Mtima wakuphyoka ukukondweska Chiuta (17)

Kwa wakulongozga sumu. Sumu ya Davide, apo Natani ntchimi wakiza kwa iyo wati wachita uleŵi na Batisheba.+ 51  Nilongorani lusungu, A Chiuta, kuyana na chitemwa* chinu.+ Sisitani maubudi ghane kuyana na ukuru wa lusungu lwinu.+   Nisukani tututu ku mphuvya zane,+ Na kunitozga ku kwananga kwane.+   Pakuti maubudi ghane nkhughamanya makora, Ndipo kwananga kwane kuli pamaso pane* nyengo zose.+   Imwe, imwe pera, ndimwe namunangirani,+ Nachita icho ntchiheni mu maso ghinu.+ Ntheura, muli ŵarunji para mukuyowoya, Mukuneneska para mukweruzga.+   Wonani, ine nkhababika wakubuda, Na wakwananga kufuma waka apo amama ŵakatolera nthumbo.+   Wonani, imwe mukukondwa na unenesko uwo uli mukati mwa munthu.+ Sambizgani mukati mwane vinjeru vyenecho.   Nitozgani ku kwananga kwane na hisopu, mwakuti niŵe wakutowa.+ Nigeziskani, mwakuti niŵe tututu kuluska chiwuvi chakukhoma.+   Lekani nipulike mazgu ghachimwemwe na kusekelera, Mwakuti viwangwa vyane ivyo mwaviteketa visekelere.+   Lazgani nkhonyoro* ku zakwananga zane,+ Na kusisita mphuvya zane zose.+ 10  Mwe Chiuta, lengani mwa ine mtima wakutowa,+ Na kuŵika mwa ine mzimu uphya,+ wakukhazikika. 11  Munganifumiskangapo yayi pamaso pinu. Ndipo mungawuskangapo yayi mzimu winu utuŵa pa ine. 12  Munipeso chimwemwe cha chiponosko chinu,+ Ŵikani mwa ine khumbo* la kumupulikirani. 13  Nisambizgenge ŵakuswa malango nthowa zinu,+ Mwakuti ŵakwananga ŵawelere kwa imwe. 14  Niponoskani ku mulandu wa ndopa,+ mwe Chiuta, Chiuta wa chiponosko chane,+ Mwakuti lulimi lwane lupharazge mwakukondwa urunji winu.+ 15  A Yehova, julani milomo yane, Kuti mulomo wane upharazge malumbo ghinu.+ 16  Pakuti sembe mukuyikhumba chara, muyikhumbenge mphanyi napeleka.+ Mukukondwa chara na sembe yakotcha yamsuma.+ 17  Sembe zakukondweska kwa Chiuta ni mzimu wakuphyoka. Mtima wakuphyoka na kuteketeka, A Chiuta, muwukanenge* chara.+ 18  Chitirani Ziyoni icho ntchiwemi kuyana na khumbo linu. Zengani viliŵa vya Yerusalemu. 19  Apo ndipo mukondwenge na sembe zaurunji, Sembe zakotcha na sembe zamsuma. Ndipo ng’ombe zipelekekenge pa jotchero linu.+

Mazgu Ghamusi

Panji kuti, “chitemwa chakugomezgeka.”
Panji kuti, “mu maghanoghano ghane.”
Panji kuti, “Bisani chisko chinu.”
Mazgu gheneko, “Munifighilire na mzimu wakukhumbisiska.”
Panji kuti, “muwuyuyurenge.”