Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 50:1-23

IVYO VILI MU BUKU ILI

  • Chiuta wakweruzga pakati pa ŵakugomezgeka na ŵaheni

    • Phangano la Chiuta kwizira mu sembe (5)

    • “Chiuta yekha ndiyo ni Mweruzgi” (6)

    • Vinyama vyose ni vya Chiuta (10, 11)

    • Chiuta wakuvumbura ŵaheni (16-21)

Sumu ya Asafu.+ 50  Yehova, Chiuta wa ŵachiuta,+ wayowoya, Wakuchema charu chapasi, Kufuma kumafumiro gha dazi m’paka kumanjiliro ghake.   Chiuta wakuŵala kufuma ku Ziyoni, malo ghakutowa fikepo.+   Chiuta withu wizenge, wakhalenge chete chara.+ Panthazi pake pali moto wakumyangura,+ Ndipo chimphepo chikuru chamuzingilizga.+   Wakuchema mtambo kuchanya na charu chapasi,+ Mwakuti weruzge ŵanthu ŵake, wakuti:+   “Wunganyani kwa ine ŵakugomezgeka ŵane, Awo ŵakuchita nane phangano kwizira mu sembe.”+   Mitambo yikupharazga urunji wake, Pakuti Chiuta yekha ndiyo ni Mweruzgi.+ (Selah)   “Pulikani mwaŵanthu ŵane, ndipo niyowoyenge. Iwe Israyeli, nikupanikizgirenge.+ Ndine Chiuta, Chiuta wako.+   Nkhukuchenya chifukwa cha sembe zako chara, Nesi chifukwa cha sembe zako zakotcha zamsuma izo zili pamaso pane nyengo zose.+   Ntchakwenelera yayi kuti nichite kutora ng’ombe mu nyumba yako, Panji mbuzi* mu viŵaya vyako.+ 10  Pakuti nyama zose zamuthondo ni zane,+ Nanga ni vikoko vya mu mapiri ghanandinandi. 11  Chiyuni chilichose cha mu mapiri nkhuchimanya.+ Vinyama vyambura mapendeko vyamuthondo ni vyane. 12  Niŵenge na njara, mphanyi nakuphalira yayi, Pakuti charu na vyose ivyo vilimo ni vyane.+ 13  Kasi ningarya nyama ya ng’ombe, Na kumwa ndopa za mbuzi?+ 14  Peleka viwongo kuŵa sembe yako kwa Chiuta,+ Ufiske vilapo vyako kwa Wapachanya Nkhanira.+ 15  Unicheme mu nyengo ya suzgo.+ Nikuthaskenge, ndipo iwe unichindikenge.”+ 16  Kweni Chiuta watenge ku muheni: “Kasi uli na wenelero wuli kuti ulongosore malango ghane,+ Panji kuyowoya vya phangano lane?+ 17  Pakuti ukutinkha kulangika,* Ukutaya mazgu ghane kumanyuma kwako.*+ 18  Para wawona munkhungu ukuzomerezgana nayo.+ Ndipo ukwendezgana na ŵaleŵi. 19  Ukuthandazga viheni na mulomo wako, Ndipo upusikizgi uli kudemelera ku lulimi lwako.+ 20  Ukukhala pasi na kunena mubali wako,+ Ukuvumbura tumaubudi twa* mwana wa amama ŵako. 21  Apo ukachitanga vinthu ivi, nkhakhala waka chete, Ntheura ukaghanaghananga kuti niŵenge nga ndiwe. Kweni sono nikuchenyenge Ndipo nikhalenge nawe pasi.+ 22  Sono manya ichi, iwe ukuluwa Chiuta,+ Mwakuti nileke kukutwazura kwambura munthu wakukuthaska. 23  Uyo wakupeleka viwongo kuŵa sembe yake wakunichindika,+ Ndipo uyo wakwenda makora mu nthowa yake, Nimulongorenge chiponosko cha Chiuta.”+

Mazgu Ghamusi

Mazgu gheneko, “ŵapepe.”
Panji kuti, “kusambizgika.”
Panji kuti, “Ukulazgira msana wako ku mazgu ghane.”
Panji kuti, “Ukulengeska.”