Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 46:1-11

IVYO VILI MU BUKU ILI

  • “Chiuta ntchiphokwero chithu”

    • Milimo yakuzizwiska ya Chiuta (8)

    • Chiuta wakulekeska nkhondo pa charu chose chapasi (9)

Kwa wakulongozga sumu. Salimo la ŵana ŵa Kora.+ Yimbike kuyana na kimbiro ka Alamoti.* 46  Chiuta ntchiphokwero chithu na nkhongono zithu,+ Movwiri wakugomezgeka mu nyengo ya suzgo.+   Lekani tiwopenge yayi nanga charu chapasi chisinthe, Nanga mapiri ghazgulike na kubira mu nyanja,+   Nanga maji ghake ghapome na kuŵinduka,+ Nanga mapiri ghayaghayike chifukwa cha kututuka kwa maji. (Selah)   Pali mlonga uwo mphatukira zake zikukondweska msumba wa Chiuta,+ Chihema chituŵa na chauchindami cha Wapachanya Nkhanira.   Chiuta wali mu msumba uwu.+ Uwiskikenge chara. Chiuta wawuvikilirenge mulenjilenji.+   Mitundu yikakalipa, maufumu ghakaparanyika. Wakatumphuska mazgu ghake, ndipo charu chikasongonoka.+   Yehova wa mawumba wali nase.+ Chiuta wa Yakhobe ntchigongwe chithu chakukhora. (Selah)   Zaninge, muwone milimo ya Yehova, Umo wachitira vinthu vyakuzizwiska pa charu chapasi.   Wakulekeska nkhondo pa charu chose chapasi.+ Wakuphyora uta na kuswa mkondo. Wakotcha na moto magileta ghankhondo. 10  “Zomerani na kumanya kuti ine ndine Chiuta. Nikwezgekenge mu ŵamitundu,+ Nikwezgekenge mu charu chapasi.”+ 11  Yehova wa mawumba wali nase.+ Chiuta wa Yakhobe ntchigongwe chithu chakukhora.+ (Selah)

Mazgu Ghamusi