Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 41:1-13

IVYO VILI MU BUKU ILI

  • Lurombo lwa mulwari

    • Chiuta wakufukatira mulwari (3)

    • Wapelekeka na mubwezi wake (9)

Kwa wakulongozga sumu. Sumu ya Davide. 41  Ngwakukondwa yose uyo wakughanaghanira munthu wakuyuyuka.+ Yehova wamuthaskenge mu zuŵa la soka.   Yehova wamuvikilirenge na kumusunga wamoyo. Wachemekenge wakukondwa mu charu chapasi.+ Mumupelekenge chara ku khumbo la ŵalwani ŵake.+   Yehova wamufukatirenge pa bedi ilo wakulwalira.+ Musinthenge nadi chakugonapo chake pa ulwari wake.   Pakuti nkhati: “A Yehova, nilongorani lusungu.+ Nichizgani,+ chifukwa namunangirani.”+   Ŵalwani ŵane ŵakuniyowoyera viheni, ŵakuti: “Kasi wafwenge pawuli kuti zina lake limare?”   Para yumoza wawo wiza kuzakaniwona, mtima wake ukuyowoya utesi. Wakuwunjika tunkhani tuheni kuti wakayowoye. Pamanyuma wakufuma na kukathandazga.   Wose awo ŵakunitinkha ŵakuphwepwerezgana. Ŵakunighanaghanira viheni, ŵakuti:   “Chinthu chakofya chamusanga. Umo waliri pasi para, wawukengeso yayi.”+   Nanga ni munthu uyo nkhaŵa nayo pamtende, uyo nkhamugomezganga,+ Uyo wakaryanga chingwa chane, waniwuskira chitende chake.*+ 10  Kweni imwe, A Yehova, nilongorani lusungu na kuniwuska, Mwakuti niŵawezgere. 11  Na ichi nimanyenge kuti mukukondwa nane: Para mulwani wane wandachemerezge kuti waniluska.+ 12  Kweni ine, mukunisungilira chifukwa cha kunyoloka kwane,+ Muniŵikenge pamaso pinu muyirayira.+ 13  Yehova Chiuta wa Israyeli walumbike Muyirayira wose.*+ Ameni na Ameni.

Mazgu Ghamusi

Panji kuti, “wanizgokera.”
Mazgu gheneko, “Kwamba muyirayira m’paka muyirayira.”