Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 40:1-17

IVYO VILI MU BUKU ILI

  • Kuwonga Chiuta uyo ngwambura kuyelezgereka

    • Milimo ya Chiuta njinandi chomene, yingapendeka yayi (5)

    • Chiuta wakukhumba sembe yayi (6)

    • “Nkhukondwa kuchita khumbo linu” (8)

Kwa wakulongozga sumu. Salimo la Davide, sumu. 40  Nkhalindilira* Yehova mwakuzika, Ndipo wakathya khutu lake kwa ine, wakapulika kulira kwane kupempha wovwiri.+   Wakanifumiska mu mbuna yakofya, Kunizuwura mu mathipa. Wakayimika lundi lane pa jalawe. Wakakhozga mendero ghane.   Penepapo wakaŵika sumu yiphya mu mulomo wane,+ Sumu ya kulumba Chiuta withu. Ŵanandi ŵawonenge na kuchita wofi, Ndipo ŵathembenge Yehova.   Ngwakukondwa munthu uyo wakuthemba Yehova Uyo wakuleka kugomezga ŵanthu ŵamtafu panji ŵatesi.   Mwachita vinthu vinandi chomene, A Yehova Chiuta wane, Milimo yinu yakuzizwiska na ivyo mukutighanaghanira.+ Palije uyo wangayana namwe.+ Usange ningayezga kuviphara na kuviyowoya, Viŵenge vinandi chomene, vingapendeka yayi!+   Sembe na vyakupeleka mukavikhumba* yayi,+ Kweni mukajura makutu ghane kuti nipulike.+ Mundapemphepo sembe zakotcha na sembe za kwananga.+   Penepapo nkhati: “Wonani, niza. Mu mupukutu* muli kulembeka vya ine.+   Nkhukondwa* kuchita khumbo linu, A Chiuta wane,+ Dango linu lili mukati mwane.+   Nkhupharazga makani ghawemi gha urunji mu mpingo ukuru.+ Wonani! Nkhukora yayi milomo yane,+ Nga umo mukumanyira, A Yehova. 10  Urunji winu nkhuwujalira mu mtima wane yayi. Nkhupharazga kugomezgeka kwinu na chiponosko chinu. Nkhubisa yayi lusungu* lwinu na unenesko winu mukati mu mpingo ukuru.”+ 11  A Yehova, munganinoranga yayi lusungu lwinu. Lusungu* lwinu na unenesko winu vinisungilire nyengo zose.+ 12  Masoka agho ghanizingilizga ngambura mapendeko,+ Mphuvya zane zinandi zanibungilizga mwakuti nkhutondeka kuwona nthowa yane.+ Ni zinandi chomene kuluska sisi la ku mutu wane, Ndipo nataya mtima. 13  Mwe Yehova, zomerani kuniponoska.+ A Yehova, endeskani munovwire.+ 14  Wose awo ŵakupenja umoyo wane Ŵalengeskeke na kukhozgeka soni. Awo ŵakukondwa na soka lane Ŵawelere chifukwa cha soni. 15  Awo ŵakuyowoya kwa ine kuti: “Aha! Aha!” Ŵazizikike chifukwa cha soni zawo. 16  Kweni awo ŵakumupenjani+ Ŵakondwe na kusekelera mwa imwe,+ Awo ŵakutemwa chiponosko chinu, nyengo zose ŵatenge: “Wakuzgike Yehova.”+ 17  Kweni ine nili wakusokwa na mukavu. Mphanyi Yehova wazgokera kwa ine. Ndimwe movwiri wane na muthaski wane.+ Chiuta wane, kuchedwa yayi.+

Mazgu Ghamusi

Panji kuti, “Nkhagomezga.”
Panji kuti, “mukakondwa navyo.”
Mazgu gheneko, “mupukutu wa buku.”
Panji kuti, “Nkhukhumba.”
Panji kuti, “chitemwa chakugomezgeka.”
Panji kuti, “Chitemwa chakugomezgeka.”