Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 39:1-13

IVYO VILI MU BUKU ILI

  • Umoyo ngufupi

    • Munthu ni mvuchi pera (5, 11)

    • “Mungasurangako yayi masozi ghane” (12)

Kwa wakulongozga sumu pa Yedutuni.*+ Sumu ya Davide. 39  Ine nkhati: “Nipwelelerenge mendero ghane Kuti nileke kwananga na lulimi lwane.+ Nisungenge mulomo wane, niwukakenge+ Para muheni wali pamaso pane.”   Nkhayowoyapo yayi, nkhakhala waka chete.+ Nkhakhala chisisi nanga mpha vinthu viwemi, Kweni vyakuŵinya vyane vikaŵa vikuru.   Mtima wane ukatukutira* mukati mwane. Moto ukagoleranga apo nkhaghanaghananga.* Mbwenu lulimi lwane lukati:   “A Yehova, novwirani kuti nimanye umo umaliro wane uŵirenge, Na unandi wa mazuŵa ghane,+ Mwakuti nimanye umo umoyo wane uliri ufupi.   Enya, mazuŵa ghane mwaghazgora ghachoko waka.*+ Utali wa umoyo wane ngwawaka pamaso pinu.+ Nadi, munthu waliyose, nanga wangawoneka wakuvikilirika, ni mvuchi pera.+ (Selah)   Enya, munthu waliyose wakwendendeka nga ni muzgezge. Ŵakutangwanika* pawaka. Ŵakuwunjika vyuma, kwambura kumanya uyo wazamusangwa navyo.+   Ipo ningagomezga vichi, A Yehova? Ndimwe pera chigomezgo chane.   Niponoskani ku maubudi ghane ghose.+ Mungazomerezganga chara kuti chindere chinichitire msinjiro.   Nkhakhala chete. Nkhajura chara mulomo wane,+ Chifukwa uwu ukaŵa mulimo winu.+ 10  Fumiskanipo suzgo iyo mwakhizgira pa ine. Nalopotoka chifukwa woko linu likunitimba. 11  Mukuchenya munthu pakumupa chilango chifukwa cha ubudi wake,+ Mukunanga vinthu vyakuzirwa ivyo wasunga nga umo chidoyo chikuchitira. Nadi, munthu waliyose ni mvuchi pera.+ (Selah) 12  Pulikani lurombo lwane, A Yehova, Tegherezgani apo nkhulira kuti munovwire.+ Mungasurangako yayi masozi ghane. Pakuti ndine mulendo waka kwa imwe,+ Mwendanthowa* nga mbasekuru ŵane wose.+ 13  Wezganiko maso ghinu ghaukali kwa ine kuti niŵeso wakukondwa Pambere nindafumepo na kuzgeŵelekera.”

Mazgu Ghamusi

Mazgu gheneko, “ukawotcha.”
Panji kuti, “apo nkhatamphanga.”
Mazgu gheneko, “nga mbusani wa chikufi.”
Mazgu gheneko, “Ŵakupoma vyongo.”
Panji kuti, “Wakupanjwa.”