Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 32:1-11

IVYO VILI MU BUKU ILI

  • Mbakukondwa awo ŵagowokereka

    • “Nkhaphara kwananga kwane kwa imwe” (5)

    • Chiuta wakupeleka mahara (8)

Salimo la Davide. Masikilu.* 32  Ngwakukondwa uyo maubudi ghake ghagowokereka, uyo kwananga kwake kwabenekelereka.+   Ngwakukondwa munthu uyo Yehova wandamusange na mulandu,+ Uyo mu mzimu wake mulije upusikizgi.   Nkhati nakhala chete kwambura kuphara kwananga kwane, viwangwa vyane vikaphapa chifukwa cha kutampha zuŵa lose.+   Pakuti woko linu likaŵa lizito pa ine muhanya na usiku.+ Nkhongono zane zikakamuka nga ni maji mu chithukivu cha chihanya. (Selah)   Paumaliro nkhaphara kwananga kwane kwa imwe, Nkhabisa chara mphuvya zane.+ Nkhati: “Nipharenge maubudi ghane kwa Yehova.”+ Ndipo mukanigowokera mphuvya zane na zakwananga zane.+ (Selah)   Lekani waliyose wakugomezgeka walombenge kwa imwe+ Pa nyengo iyo mungasangika.+ Ndipo nanga ni maji ghakututuka ghamusangenge chara.   Ndimwe malo ghane ghakubisamamo. Munivikilirenge ku suzgo.+ Munizingilizgenge na kapomezi ka chimwemwe chifukwa nawombokwa.+ (Selah)   Imwe mwati: “Nikupenge mahara na kukusambizga nthowa iyo ukwenera kwendamo.+ Nikulongozgenge na jiso lane.+   Ungaŵanga wambura kupulikiska nga ni hachi panji myulu yayi,+ Ivyo vikulongozgeka na vyakukolera panji chingwe chakwimiskira Kuti vize pafupi na iwe.” 10  Vyakuŵinya vya muheni ni vinandi. Kweni uyo wakuthemba Yehova wakuzingilizgika na lusungu* lwake.+ 11  Sekelerani na kukondwera mwa Yehova, imwe ŵarunji. Chemerezgani na chimwemwe, mose ŵakunyoloka mu mtima.

Mazgu Ghamusi

Panji kuti, “chitemwa chakugomezgeka.”