Lutani apo pali nkhani

Lutani apo pali mitu ya nkhani

Masalimo 29:1-11

IVYO VILI MU BUKU ILI

  • Mazgu ghankhongono gha Yehova

    • Sopani uku mwavwara vyakupatulika (2)

    • “Chiuta wauchindami wakududumira” (3)

    • Yehova wakukhozga ŵanthu ŵake (11)

Sumu ya Davide. 29  Pelekani kwa Yehova ivyo vikumwenelera, imwe ŵana ŵa vinkhara,Pelekani kwa Yehova ivyo vikumwenelera chifukwa cha uchindami na nkhongono zake.+   Pelekani kwa Yehova uchindami wakwenelera zina lake. Sindamirani* Yehova uku mwavwara vyakupatulika.   Lizgu la Yehova likupulikikwa pachanya pa maji.Chiuta wauchindami wakududumira.+ Yehova wali pachanya pa maji ghanandi.+   Lizgu la Yehova ndankhongono.+Lizgu la Yehova ndapachanya nkhanira.   Lizgu la Yehova likuswa makuni gha sidara.Enya, Yehova wakuŵalura makuni gha sidara gha ku Lebanoni.+   Wakuchitiska Lebanoni kudukaduka nga ni tholi,Na Siriyoni+ nga nkhang’ombe kanalume kamuthondo.*   Lizgu la Yehova likutimba na madimi gha moto.+   Lizgu la Yehova likusunkhunya mapopa,+Yehova wakusunkhunya mapopa gha Kadeshi.+   Lizgu la Yehova likuchitiska mbaŵala kunyongozeka na kubaba,Likuyoyoska makuni mu thengere.+ Ndipo wose awo ŵali mu tempile lake ŵakuti: “Uchindami!” 10  Yehova wakukhala pa chitengo pachanya pa maji ghakututuka.*+Pakuŵa Themba, Yehova wakukhala pa mpando muyirayira.+ 11  Yehova wapelekenge nkhongono ku ŵanthu ŵake.+ Yehova watumbikenge ŵanthu ŵake na mtende.+

Mazgu Ghamusi

Panji kuti, “Sopani.”
Ng’ombe iyi yikukozganako na njati.
Panji kuti, “nyanja zakuchanya.”