Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 28:1-9

IVYO VILI MU BUKU ILI

  • Chiuta wapulika lurombo lwa wamasalimo

    • “Yehova ni nkhongono zane na chiskango chane” (7)

Salimo la Davide. 28  Nkhulilira kwa imwe, A Yehova Jalawe lane.+Mungajaranga khutu kwa ine chara. Usange mukukhala waka chete,Niŵenge nga ni awo ŵakukhilira ku khululu.*+   Pulikani kuŵeya kwane apo nkhulira kuti munovwire,Apo nkhunyoloskera mawoko ghane ku chipinda chamukati chomene cha malo ghinu ghakupatulika.+   Munganiguguziranga kutali yayi pamoza na ŵaheni, pamoza na awo ŵakuchita vyakupweteka,+Awo ŵakuyowoya vya mtende na munyawo, kweni mu mitima yawo muli uheni.+   Ŵapani malipiro gha ntchito zawo,+Kuyana na vyakuchita vyawo viheni. Ŵalipirani pa milimo ya mawoko ghawo.Kuyana na ivyo ŵachita.+   Pakuti ŵakuŵikako mahara yayi ku ntchito za Yehova,+Nanga nkhu mulimo wa mawoko ghake.+ Waŵapankhurenge, ndipo waŵazengenge chara.   Yehova walumbike,Pakuti wapulika kuŵeya kwane kupempha wovwiri.   Yehova ni nkhongono+ zane na chiskango chane.+Mtima wane ukuthemba iyo.+ Napokera wovwiri wake, ndipo mtima wane ukusekelera,Ntheura nimulumbenge na sumu yane.   Yehova ni nkhongono za ŵanthu ŵake,Ni linga lakukhora la chiponosko chikuru ku wakuphakazgika wake.+   Ponoskani ŵanthu ŵinu na kutumbika chiharo chinu.+ Muŵe Muliska wawo na kuŵayegha mu mawoko ghinu muyirayira.+

Mazgu Ghamusi

Panji kuti, “dindi.”