Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 26:1-12

IVYO VILI MU BUKU ILI

  • Kwenda mu kunyoloka

    • “Nisandani, A Yehova” (2)

    • Kwendezgana na ŵaheni yayi (4, 5)

    • ‘Nizingilirenge pa jotchero la Chiuta’ (6)

Salimo la Davide. 26  Neruzgani, A Yehova, pakuti nkhwenda mu kunyoloka kwane.+ Nkhuthemba Yehova kwambura kusunkhunyika.+   Nisandani, A Yehova, na kuniyezga. Yengani maghanoghano ghane ghamukati* na mtima wane.+   Pakuti lusungu* lwinu luli pamaso pane nyengo zose, Ndipo nkhwenda mu unenesko winu.+   Nkhukhala* chara pamoza na ŵanthu ŵapusikizgi.+ Ndipo nkhugega awo ŵakujibisa umo ŵaliri.*   Nkhutinkha kuŵa pamoza na ŵanthu ŵakuchita viheni,+ Nkhukana kwendezgana* na ŵakwananga.+   Nigezenge mawoko ghane, ghalije mulandu, Ndipo nizingilirenge pa jotchero linu, mwe Yehova,   Kuti mazgu ghakuwonga ghapulikikwe,+ Na kupharazga milimo yinu yose yakuzizwiska.   Yehova, nkhutemwa nyumba iyo mukukhalamo,+ Malo agho mukukhala uchindami winu.+   Munganiphyeleranga* kumoza na ŵakwananga yayi,+ Ndipo mungatoranga umoyo wane pamoza na ŵanthu ŵankhaza* yayi, 10  Awo mawoko ghawo ghakuchita vinthu vyakulengeska, Awo woko lawo lamalyero lazura na vimbundi. 11  Kweni ine, nendenge mu kunyoloka kwane. Nithaskani* na kunilongora lusungu. 12  Lundi lane limilira pa malo gha skee.+ Mu mpingo ukuru,* nilumbenge Yehova.+

Mazgu Ghamusi

Mazgu gheneko, “ziso zane.”
Panji kuti, “chitemwa chakugomezgeka.”
Panji kuti, “Nkhwendezgana.”
Panji kuti, “Ndipo nkhuchezga na ŵapusikizgi chara.”
Mazgu gheneko, “kukhala.”
Panji kuti, “Mungawuskangamo mzimu wane pamoza.”
Panji kuti, “ŵanthu ŵakuthiska ndopa.”
Mazgu gheneko, “Niwomborani.”
Mazgu gheneko, “maungano ghakuru.”