Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 22:1-31

IVYO VILI MU BUKU ILI

  • Kufuma pa kwenjerwa kufika pa kulumba

    • “Chiuta wane, kasi mwanisidirachi?” (1)

    •  “Ŵakuchita mphenduzga pa chakuvwara chane” (18)

    • Kulumba Chiuta mu mpingo (22, 25)

    • Charu chose chapasi chisopenge Chiuta (27)

Kwa wakulongozga sumu. Yimbike nga nkhulira kwa “Mbaŵala Yanakazi ya Matandakucha.” Sumu ya Davide. 22  Chiuta wane, Chiuta wane, kasi mwanisidirachi?+ Mwaŵirachi kutali kuti muniponoske, Kutali na ulwilwi wane?+   Chiuta wane, muhanya nkhumuchemani, kweni mukuzgora yayi.+ Usiku napo, nkhupumura chara.   Kweni imwe ndimwe mutuŵa,+ Malumbo gha Israyeli ghamuzingilizgani.   Ŵasekuru ŵithu ŵakathembanga imwe.+ Ŵakagomezga, ndipo mukaŵathaskanga.+   Ŵakalilira kwa imwe, ndipo ŵakaponoskeka. Ŵakamugomezgani, ndipo ŵakakhuŵara chara.*+   Ine ndine mpholozi, munthu chara, Ŵanthu ŵakunihoya, ŵanthu ŵakunipepura.+   Wose awo ŵakuniwona ŵakuniseka.+ Ŵakung’ora na kupukunya mitu yawo, ŵakuti:+   “Wakagomezga Yehova. Lekani wamuthaske! Lekani wamuponoske, pakuti wakukondwa nayo!”+   Imwe ndimwe mukanifumiska mu nthumbo,+ Ndimwe mukanikhalika mwakufwasa pa mabere gha amama. 10  Kufuma apo nkhababikira nili kupelekeka kwa imwe kuti munipwelelere. Ndimwe Chiuta wane kwambira mu nthumbo ya amama. 11  Mungakhalanga kutali nane chara, chifukwa suzgo yili pafupi,+ Ndipo nilije movwiri munyake.+ 12  Ng’ombe zinandi zanizingilizga.+ Ng’ombe zankhongono za ku Bashani zaniwungilira.+ 13  Zikuniyasamira milomo yawo,+ Nga ni nkhalamu yakubangura iyo yikutwazura nyama.+ 14  Nkhuthilika nga ni maji, Viwangwa vyane vyose vyasoghoyoka. Mtima wane waŵa nga ni phura.+ Ukusongonoka mukati mwane.+ 15  Nkhongono zane zawomira nga nkhachiŵiya.+ Lulimi lwane lukudemelera ku chavu.+ Mukunikhizgira ku fuvu la nyifwa.+ 16  Ntcheŵe zanizingilizga.+ Zanitakilira nga ni gulu la ŵaheni,+ Zanikora mawoko na malundi nga ni nkhalamu.+ 17  Ningapenda viwangwa vyane vyose.+ Ŵakulaŵiska na kunidodoliska. 18  Ŵakugaŵana malaya ghane, Ŵakuchita mphenduzga* pa chakuvwara chane.+ 19  Kweni imwe, A Yehova, mungakhalanga kutali yayi.+ Ndimwe nkhongono zane, endeskani munovwire.+ 20  Niponoskani ku lupanga, Ponoskani umoyo wane wakuzirwa ku njoŵe za ntcheŵe.+ 21  Niponoskani ku mulomo wa nkhalamu+ na ku masengwe gha ng’ombe zanalume zamuthondo, Nizgorani na kuniponoska. 22  Nipharazgenge zina linu ku ŵabali ŵane.+ Nimulumbaninge mukati mu mpingo.+ 23  Imwe mukopa Yehova, mulumbani! Mose imwe mphapu* ya Yakhobe, mumupe uchindami!+ Mopani iyo, mose imwe mphapu* ya Israyeli. 24  Pakuti wandapepure panji kutinkha suzgo ya wakuyuzgika.+ Wandabise chisko chake kwa iyo.+ Wakati walilira kwa iyo kupempha wovwiri, wakapulika.+ 25  Nimulumbaninge mu mpingo ukuru.+ Nifiskenge vilapo vyane pamaso pa awo ŵakumopa. 26  Ŵakuzika ŵaryenge na kukhuta.+ Awo ŵakupenja Yehova ŵamulumbenge.+ Mukondwe na umoyo* muyirayira. 27  Vigoti vyose vya charu chapasi vikumbukenge na kuzgokera kwa Yehova. Mafuko ghose gha mitundu ghasindamenge pamaso pinu.+ 28  Uthemba ngwa Yehova,+ Ndiyo wakuwusa mitundu. 29  Ŵanthu wose awo mbakusanga makora* pa charu chapasi ŵaryenge na kusindama. Wose awo ŵakukhilira ku fuvu ŵajikamenge pamaso pake, Palije nanga njumoza wa iwo wangasungilira umoyo wake. 30  Mphapu* yawo yimuteŵeterenge. Miwiro iyo yikwiza yizamuphalirika vya Yehova. 31  Ŵizenge na kuyowoya vya urunji wake. Ŵazamuphalira ŵanthu awo ŵachali ŵandababike ivyo iyo wachita.

Mazgu Ghamusi

Panji kuti, “ŵakakhozgeka soni chara.”
Mazgu gheneko, “mbuto.”
Mazgu gheneko, “mbuto.”
Mazgu gheneko, “Mitima yinu yiŵe yamoyo.”
Mazgu gheneko, “ŵakututuŵa.”
Mazgu gheneko, “Mbuto.”