Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 21:1-13

IVYO VILI MU BUKU ILI

  • Vitumbiko vya themba ilo likugomezga Yehova

    • Themba likupika umoyo utali (4)

    • Ŵalwani ŵa Chiuta ŵathereskekenge (8-12)

Kwa wakulongozga sumu. Sumu ya Davide. 21  A Yehova, themba likusekelera mu nkhongono zinu.+ Likusekelera chomene na chiponosko chinu!+   Mwalipasa ivyo mtima wake ukukhumba,+ Ndipo mundalinore ivyo milomo yake yapempha. (Selah)   Pakuti mwakumana nalo na kulipasa vitumbiko vinandi, Mwalivwalika mphumphu yagolide liwemi* ku mutu wake.+   Likamupemphani umoyo, ndipo mukalipasa,+ Umoyo utali,* wamuyirayira swii.   Chiponosko chinu chikulipasa uchindami ukuru.+ Mwalipasa ntchindi na ukuru.   Mwalizgora lakutumbikika muyirayira.+ Mwalikondweska na chimwemwe panthazi pinu.+   Pakuti themba likugomezga Yehova,+ Lisunkhunyikenge chara chifukwa cha lusungu* lwa Wapachanya Nkhanira.+   Woko linu liŵasangenge ŵalwani ŵinu wose. Woko linu lamalyero liŵasangenge awo ŵakumutinkhani.   Pa nyengo yakutemeka, para mwawonekera kwa iwo, muŵazgorenge nga ni ng’anjo yamoto. Yehova waŵamirenge mu ukali wake, ndipo moto uŵamyangurenge.+ 10  Ŵana ŵawo* muŵaparanyenge kufumapo pa charu chapasi, Mphapu yawo kufumamo mu ŵana ŵa ŵanthu. 11  Pakuti ŵakakhumbanga kumuchitirani viheni.+ Ŵanozga viŵembu ivyo vifiskikenge yayi.+ 12  Muŵawezgerenge nyuma+ Para mwadinika uta winu pa visko vyawo. 13  Wukani, A Yehova, mu nkhongono zinu. Tiyimbirenge malumbo nkhongono zinu.

Mazgu Ghamusi

Panji kuti, “lakwengeka.”
Mazgu gheneko, “Utali wa mazuŵa.”
Panji kuti, “chitemwa chakugomezgeka.”
Mazgu gheneko, “Vipambi vyawo.”