Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 20:1-9

IVYO VILI MU BUKU ILI

  • Chiponosko cha themba lakuphakazgika la Chiuta

    • Ŵanyake ŵakuthemba magileta na mahachi, “kweni ise tikuchema pa zina la Yehova” (7)

Kwa wakulongozga sumu. Sumu ya Davide. 20  Yehova wakuzgore mu zuŵa la suzgo. Zina la Chiuta wa Yakhobe likuvikilire.+   Wakutumire wovwiri kufuma ku malo ghakupatulika,+ Ndipo wakufighilire kufuma ku Ziyoni.+   Wakumbuke sembe zako zose zawanangwa, Sembe zako zakotcha wazipokelere na mtima wose.* (Selah)   Wakupe ivyo mtima wako ukukhumba,+ Ndipo wakovwire kuti vyose ivyo ukughanaghana vikwendere makora.   Tichemerezgenge na chimwemwe chifukwa cha chiponosko chinu.+ Titumphuskenge ndembera zithu mu zina la Chiuta withu.+ Yehova wafiske vyose ivyo iwe wapempha.   Sono namanya kuti Yehova wakuponoska wakuphakazgika wake.+ Wakumuzgora kufuma mu machanya ghake ghakupatulika Wakumuponoska na woko lake lamalyero.+   Ŵanyake ŵakuthemba magileta, ŵanyake mahachi,+ Kweni ise tikuchema pa zina la Yehova Chiuta withu.+   Ŵazinduka na kuwa pasi. Kweni ise tawuka na kwimilira nganganga.+   A Yehova, ponoskani themba!+ Tizgorani mu zuŵa ilo tikulilira wovwiri.+

Mazgu Ghamusi

Mazgu gheneko, “waziwone nga ni mafuta.”