Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 19:1-14

IVYO VILI MU BUKU ILI

  • Ivyo Chiuta wali kulenga na dango lake, mbukaboni

    • “Machanya ghakupharazga uchindami wa Chiuta” (1)

    • Dango lakufikapo la Chiuta likuwezgeramo nkhongono (7)

    • “Zakwananga izo nkhuzimanya yayi” (12)

Kwa wakulongozga sumu. Sumu ya Davide. 19  Machanya ghakupharazga uchindami wa Chiuta,+ Mlengalenga kuchanya ukuthuwuska mulimo wa mawoko ghake.+   Zuŵa na zuŵa vikufumiska mazgu ghawo, Usiku na usiku vikuvumbura umanyi.   Kuyowoya kulije, mazgu nagho kulije. Lizgu lawo likupulikikwa yayi.   Kweni kupoma kwawo kukupulikikwa mu charu chose, Uthenga wawo ukufika ku vigoti vya charu chapasi.+ Dazi walijinthira hema kuchanya.   Lili nga ni mwenenthengwa wakufuma mu chipinda chake. Likusekelera nga ntchinkhara* icho chikuchimbira mu nthowa.   Likufuma ku chigoti chimoza cha kuchanya, Ndipo likuzingilira m’paka ku chigoti chinyake,+ Palije kanthu kakubisika ku chithukivu chake.   Dango la Yehova ndakufikapo,+ likuwezgeramo nkhongono.*+ Vikumbusko vya Yehova ni vyakugomezgeka,+ muzeleza vikumuzgora wavinjeru.+   Malanguro gha Yehova ngaurunji, ghakukondweska mtima,+ Malango gha Yehova ngakutowa, ghakungweluska maso.+   Kopa Yehova+ nkhwakutowa, kukukhalilira muyirayira. Vyeruzgo vya Yehova vyose ni vyaunenesko na vyaurunji.+ 10  Ni vyakudokeka kuluska golide, Kuluska golide liwemi* linandi,+ Vikunong’omera kuluska uchi,+ uchi uwo ukunthonya kufuma ku visa. 11  Muteŵeti winu wakuchenjezgeka navyo.+ Para munthu wakuvisunga, wakusanga njombe yikuru.+ 12  Ni njani wangamanya maubudi ghake?+ Nitozgani ku zakwananga izo nkhuzimanya yayi. 13  Mukanizgeso muteŵeti winu ku milimo yakujiŵikamo,+ Mungazomerezganga yayi kuti yiŵe na mazaza pa ine.+ Apo ndipo niŵenge wakufikapo,+ Na wambura mulandu wa zakwananga zikuru.* 14  Mphanyi mazgu gha mu mulomo wane na ivyo nkhughanaghana mu mtima wane Vyamukondweskani,+ A Yehova, Jalawe+ lane na Muwomboli wane.+

Mazgu Ghamusi

Panji kuti, “munthu wankhongono.”
Panji kuti, “likuwezgeramo umoyo.”
Panji kuti, “lakwengeka.”
Panji kuti, “maubudi ghanandi.”