Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 145:1-21

IVYO VILI MU BUKU ILI

  • Kulumba Chiuta, Themba likuru

    • ‘Nipharazgenge ukuru wa Chiuta’ (6)

    • “Yehova ni muwemi ku wose” (9)

    • “Ŵakugomezgeka ŵinu ŵamulumbaninge” (10)

    • Uthemba wamuyirayira wa Chiuta (13)

    • Woko la Chiuta likukhorweska wose (16)

Malumbo gha Davide. א [Aleph] 145  Mwe Chiuta wane Themba, nimukwezganinge,+ Nilumbenge zina linu muyirayira swii.+ ב [Beth]   Zuŵa lose nimulumbaninge,+ Nilumbenge zina linu muyirayira swii.+ ג [Gimel]   Yehova ni mukuru, ngwakwenelera chomene kulumbika,+ Ukuru wake ngwambura mapenjeko.*+ ד [Daleth]   Muwiro na muwiro ulumbenge milimo yinu, Ŵayowoyenge vyakuchita vinu vyankhongono.+ ה [He]   Ŵayowoyenge vya uchindami wa ukuru winu+ Ndipo nighanaghanirenge pa milimo yinu yakuzizwiska. ו [Waw]   Ŵayowoyenge vya milimo yinu yakofya,* Ine nipharazgenge vya ukuru winu. ז [Zayin]   Ŵayowoyenge chomene uku ŵakukumbuka uwemi winu ukuru,+ Ŵachemerezgenge mwachimwemwe chifukwa cha urunji winu.+ ח [Heth]   Yehova ngwachiwuravi na lusungu,+ Wakukalipa luŵiro chara, wakuzura na chitemwa.*+ ט [Teth]   Yehova ni muwemi ku wose,+ Ndipo lusungu lwake lukuwoneka mu milimo yake yose. י [Yod] 10  Milimo yinu yose yimuchindikaninge, A Yehova,+ Ŵakugomezgeka ŵinu ŵamulumbaninge.+ כ [Kaph] 11  Ŵapharazgenge vya uchindami wa uthemba winu,+ Na kuyowoya vya nkhongono zinu,+ ל [Lamed] 12  Kumanyiska ŵanthu vyakuchita vinu vyankhongono+ Na uchindami wa uthemba winu.+ מ [Mem] 13  Uthemba winu ni uthemba wamuyirayira, Mazaza ghinu ghakukhalilira ku miwiro yose.+ ס [Samekh] 14  Yehova wakufighilira wose awo ŵawa,+ Wakuwuska wose awo ŵasindama.+ ע [Ayin] 15  Maso ghose ghakulaŵiska kwa imwe na chigomezgo, Mukuŵapa chakurya pa nyengo yake.+ פ [Pe] 16  Mukujura woko linu Na kukhorweska chamoyo chose.+ צ [Tsade] 17  Yehova ni murunji mu nthowa zake zose+ Ngwakugomezgeka mu vyose ivyo wakuchita.+ ק [Qoph] 18  Yehova wali pafupi na wose awo ŵakumuchema,+ Wose awo ŵakumuchema mu unenesko.+ ר [Resh] 19  Wakukhorweska khumbo la awo ŵakumopa,+ Wakupulika para ŵakulira kuti waŵavwire, ndipo wakuŵathaska.+ ש [Shin] 20  Yehova wakuvikilira awo ŵakumutemwa,+ Kweni waparanyenge ŵaheni wose.+ ת [Taw] 21  Mulomo wane upharazgenge malumbo gha Yehova.+ Chamoyo chilichose chilumbe zina lake lituŵa muyirayira swii.+

Mazgu Ghamusi

Panji kuti, “ngwakuti munthu wangawupulikiska yayi.”
Panji kuti, “nkhongono zinu zakofya.”
Panji kuti, “chitemwa chakugomezgeka.”