Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 144:1-15

IVYO VILI MU BUKU ILI

  • Kulomba kuti watonde nkhondo

    • “Kasi munthu ni njani?” (3)

    • ‘Ŵalwani ŵambininike’ (6)

    • Ŵakukondwa mbanthu ŵa Yehova (15)

Salimo la Davide. 144  Walumbike Yehova, Jalawe lane,+ Uyo wakusambizga mawoko ghane nkhondo, Minwe yane kutimbana na ŵalwani.+   Iyo ntchisungusungu chane na linga lane lakukhora, Chiphokwero chane chakukhora na muthaski wane, Chiskango chane kweniso uyo nabisamako,+ Ndiyo wakuthereska ŵanthu pasi pane.+   A Yehova, kasi munthu ni njani kuti mumuŵanike, Na mwana wa munthu kuti muŵikeko mahara kwa iyo?+   Munthu wakuyana waka na mvuchi.+ Mazuŵa ghake ghali nga ni mfwiri uwo ukujumpha.+   A Yehova, thifurani machanya ghinu ndipo mukhire.+ Khwaskani mapiri kuti ghasunkhe josi.+   Mwetuskani leza na kumbininiska ŵalwani.+ Ponyani mivi yinu na kuŵayungwiska.+   Nyoloskani mawoko ghinu kufuma kuchanya. Nithaskani na kuniponoska ku maji ghakututuka, Kufuma mu woko la ŵalendo,+   Awo milomo yawo yikuyowoya mautesi Na awo ŵakuwuska woko lawo lamalyero kuti ŵalape vinthu vyautesi.*   A Chiuta, nimwimbiraninge sumu yiphya.+ Nimwimbiraninge malumbo na chakwimbira cha vingwe 10, 10  Imwe mukupeleka chiponosko ku mathemba,+ Imwe mukuthaska muteŵeti winu Davide ku lupanga lwakukoma.+ 11  Nithaskani na kuniponoska ku woko la ŵalendo, Awo milomo yawo yikuyowoya mautesi Na awo ŵakuwuska woko lawo lamalyero kuti ŵalape vinthu vyautesi. 12  Penepapo ŵana ŵithu ŵanalume ŵaŵenge nga ntchakumera chichoko icho chikukura luŵiro, Ŵana ŵithu ŵanakazi nga ni mizati yapakona yakuŵajikira nyumba yauthemba. 13  Nthamba zithu zizurenge na vyakurya vya mitundu yose, Miskambo yithu yibabanenge vikwi na vikwi, kweniso vikwi makumimakumi. 14  Ng’ombe zithu zakumitha zipwetekekenge chara panji kupholoza. Mu maluŵaza ghithu muŵavyenge kulira. 15  Ŵakukondwa mbanthu awo ŵali nthena. Yayi, kweni ŵakukondwa mbanthu awo Chiuta wawo ni Yehova!+

Mazgu Ghamusi

Mazgu gheneko, “Na awo woko lawo lamalyero ni woko lamalyero lautesi.”