Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 142:1-7

IVYO VILI MU BUKU ILI

  • Kulomba kuthaskika ku ŵakutambuzga

    • “Kulije uko ningachimbilira” (4)

    • “Ndimwe mwekha muli nane” (5)

Masikilu.* Salimo la Davide, apo wakaŵa mu mphanji.+ Lurombo. 142  Na mazgu ghane nkhuchema Yehova kuti wanovwire.+Na mazgu ghane nkhuŵeya Yehova kuti wanichitire lusungu.   Nkhupungulira kwenjerwa kwane pamaso pake.Nkhuyowoya suzgo yane pamaso pake,+   Para mzimu* wane walopwa mukati mwane. Imwe mukuwona mendero ghane.+ Mu nthowa iyo nkhwenda,Ŵabisamo chipingo kuti nikoleke.   Laŵiskani ku woko lane lamalyero ndipo muwoneKuti palije uyo wakughanaghanako vya ine.*+ Kulije uko ningachimbilira.+Palije uyo wakunifipira mtima.   Nkhuchema imwe, A Yehova, kuti munovwire. Nkhuti: “Ndimwe chiphokwero chane,+Ndimwe mwekha muli nane* mu charu cha ŵamoyo.”   Tegherezgani apo nkhulira kuti munovwire,Pakuti nakhizgika chomene. Nithaskani ku awo ŵakunitambuzga,+Pakuti mbankhongono kuluska ine.   Nifumiskani mu chikhululuKuti nilumbe zina linu. Ŵarunji ŵanizingilizge,Chifukwa mukunichitira lusungu.

Mazgu Ghamusi

Panji kuti, “nkhongono zane zamara.”
Mazgu gheneko, “wakunimanya.”
Mazgu gheneko, “Ndimwe chigaŵa chane.”