Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 138:1-8

IVYO VILI MU BUKU ILI

  • Chiuta wakupwelelera, nangauli ngwakukwezgeka

    • ‘Mukazgora lurombo lwane’ (3)

    • ‘Nanga ni mu visuzgo, mukunithaska’ (7)

Salimo la Davide. 138  Nimulumbaninge na mtima wane wose.+ Nimwimbiraninge imwe malumbo, Pamaso pa ŵachiuta ŵanyake.*   Nisindamenge kulazga ku tempile linu lituŵa,*+ Nilumbenge zina linu,+ Chifukwa cha lusungu* lwinu na kugomezgeka kwinu, Pakuti mwakwezga mazgu ghinu na zina linu pachanya pa chilichose.*   Pa zuŵa ilo nkhachema, mukanizgora,+ Mukanipa chikanga na nkhongono.+   Mathemba ghose gha charu chapasi ghalumbenge imwe, A Yehova,+ Pakuti ghapulika malayizgo agho mwayowoya.   Ghimbenge vya nthowa za Yehova, Chifukwa uchindami wa Yehova ngukuru.+   Nangauli Yehova ngwapachanya, kweni wakuwona ŵakujiyuyura,+ Kweni ŵakujikuzga wakuŵamanyira patali.+   Nanga nende mu visuzgo, munisungilirenge wamoyo.+ Mukunyoloska woko linu kwimikana na ukali wa ŵalwani ŵane, Woko linu lamalyero liniponoskenge.   Yehova wanichitirenge vinthu vyose. A Yehova, lusungu* lwinu lukukhalilira muyirayira.+ Mungatayanga yayi milimo ya mawoko ghinu.+

Mazgu Ghamusi

Pangayowoyekaso kuti, “Nimwimbiraninge sumu na kusulako ŵachiuta ŵanyake.”
Panji kuti, “malo ghinu ghakupatulika.”
Panji kuti, “chitemwa chakugomezgeka.”
Pangayowoyekaso kuti, “mwakuzga mazgu ghinu pachanya pa zina linu lose.”
Panji kuti, “chitemwa chakugomezgeka.”