Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 137:1-9

IVYO VILI MU BUKU ILI

  • Mumphepete mwa milonga ya ku Babuloni

    •  Sumu za ku Ziyoni zikwimbika yayi (3, 4)

    • Babuloni wazamuparanyika (8)

137  Tikakhala mumphepete mwa milonga ya Babuloni.+ Tikalira tikati takumbuka Ziyoni.+   Tikapayika ŵabango ŵithu Pa makuni ghake* gha arava.+   Kwenekura awo ŵakatikora wuzga ŵakatipempha kuti tiŵayimbirepo sumu,+ Awo ŵakatihoyanga ŵakakhumbanga kuti tiŵasekeske, ŵakati: “Tiyimbiranipo sumu ya ku Ziyoni.”   Kasi tingimba wuli sumu ya Yehova Mu charu chachilendo?   Iwe Yerusalemu, usange ningakuluwa, Ipo woko lane lamalyero nalo liluwe luso lwake.*+   Lulimi lwane ludemelere ku chavu chane, Usange natondeka kukukumbuka, Usange nindamukwezge pachanya Yerusalemu Uyo ntchinthu icho chikunipa chimwemwe.+   Kumbukani, A Yehova, Ivyo Ŵaedomu ŵakayowoya pa zuŵa ilo Yerusalemu wakawira, ŵakati. “Pankhurani! Pankhurani m’paka pa fawundeshoni* yake!”+   Iwe mwana msungwana wa Babuloni, wamweneiwe wakhala pachoko kuparanyika,+ Ngwakukondwa uyo wakupenge njombe Kuyana na suzgo ilo ukakhizgira pa ise.+   Ngwakukondwa uyo wakorenge ŵana ŵako Na kuŵambechulira pa majalawe.+

Mazgu Ghamusi

Ŵakunena Babuloni.
Pangayowoyekaso kuti, “woko lane lamalyero liphape.”
Mazgu ghanyake, “malufura ghake.”