Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 136:1-26

IVYO VILI MU BUKU ILI

  • Lusungu lwa Yehova lukukhalilira muyirayira

    • Kuchanya na charu chapasi vili kulengeka mwaluso  (5, 6)

    • Farawo wakafwira mu Nyanja Yiswesi (15)

    • Chiuta wakukumbuka ŵakusuzgika maghanoghano (23)

    • Chakurya ku chamoyo chilichose (25)

136  Wongani Yehova, chifukwa ni muwemi,+ Lusungu* lwake lukukhalilira muyirayira.+   Wongani Chiuta wa ŵachiuta,+ Pakuti lusungu lwake lukukhalilira muyirayira.   Wongani Fumu ya mafumu, Pakuti lusungu lwake lukukhalilira muyirayira.   Ndiyo yekha wakuchita vyakuzizwiska,+ Pakuti lusungu lwake lukukhalilira muyirayira.+   Wali kulenga kuchanya mwaluso,+ Pakuti lusungu lwake lukukhalilira muyirayira.   Wali kutandazga charu chapasi pachanya pa maji,+ Pakuti lusungu lwake lukukhalilira muyirayira.   Wali kulenga vyakungweluskira vikuru,+ Pakuti lusungu lwake lukukhalilira muyirayira,   Dazi kuti liwusenge muhanya,+ Pakuti lusungu lwake lukukhalilira muyirayira,   Mwezi na nyenyezi kuti viwusenge usiku,+ Pakuti lusungu lwake lukukhalilira muyirayira. 10  Wakatimba ŵana ŵakwamba kubabika mu Eguputo,+ Pakuti lusungu lwake lukukhalilira muyirayira. 11  Wakafumiska Israyeli pakati pawo,+ Pakuti lusungu lwake lukukhalilira muyirayira, 12  Na woko lankhongono+ na woko lakunyoloskeka, Pakuti lusungu lwake lukukhalilira muyirayira. 13  Wakagaŵa pakati Nyanja Yiswesi,+ Pakuti lusungu lwake lukukhalilira muyirayira. 14  Wakambuska Israyeli pakati pake,+ Pakuti lusungu lwake lukukhalilira muyirayira. 15  Wakabizga Farawo na ŵankhondo ŵake mu Nyanja Yiswesi,+ Pakuti lusungu lwake lukukhalilira muyirayira. 16  Wakaŵendeska ŵanthu ŵake mu mapopa,+ Pakuti lusungu lwake lukukhalilira muyirayira. 17  Wakatimba mathemba ghakuru,+ Pakuti lusungu lwake lukukhalilira muyirayira. 18  Wakakoma mathemba ghankhongono, Pakuti lusungu lwake lukukhalilira muyirayira. 19  Sihoni+ themba la Ŵaamori, Pakuti lusungu lwake lukukhalilira muyirayira. 20  Ogi+ themba la Bashani, Pakuti lusungu lwake lukukhalilira muyirayira. 21  Wakapeleka charu chawo kuŵa chiharo,+ Pakuti lusungu lwake lukukhalilira muyirayira, 22  Chiharo cha Israyeli muteŵeti wake, Pakuti lusungu lwake lukukhalilira muyirayira. 23  Wakatikumbuka apo tikaŵa ŵakuyuyulika,+ Pakuti lusungu lwake lukukhalilira muyirayira.+ 24  Wakalutilira kutithaska ku ŵalwani ŵithu,+ Pakuti lusungu lwake lukukhalilira muyirayira. 25  Wakupeleka chakurya ku chamoyo chilichose,+ Pakuti lusungu lwake lukukhalilira muyirayira. 26  Wongani Chiuta wa kuchanya, Pakuti lusungu lwake lukukhalilira muyirayira.

Mazgu Ghamusi

Panji kuti, “Chitemwa chakugomezgeka.”