Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 127:1-5

IVYO VILI MU BUKU ILI

  • Vinthu vyose ni vyawaka kwambura Chiuta

    • “Kwambura kuti Yehova wazenga nyumba” (1)

    • Ŵana ni njombe yakufuma kwa Chiuta (3)

Sumu Yakukwelera ku Msumba. Salimo la Solomoni. 127  Kwambura kuti Yehova wazenga nyumba, Awo ŵakuyizenga ŵakuphyokapo waka.+ Kwambura kuti Yehova walinda msumba,+ Ŵalinda ŵakuphyokapo waka kuŵa maso.   Ukuphyokapo waka kuwuka mulenjilenji, Kutchezera usiku, Kutokatoka kuti usange chakurya, Pakuti iyo wakuŵapa vyakukhumbikwa ŵakutemweka ŵake, wakuŵapa na tulo wuwo.+   Wonani, ŵana ntchiharo chakufuma kwa Yehova.+ Chipambi cha nthumbo ni njombe.+   Nga ni mivi mu woko la munthu wankhongono, Ndimo ŵaliri ŵana ŵa munthu, mu uwukirano wake.+   Ngwakukondwa uyo waŵazuzga mu phodo* lake.+ Ŵakhozgekenge soni chara, Pakuti ŵayowoyenge na ŵalwani mu chipata cha msumba.

Mazgu Ghamusi

“Phodo,” ntchinthu icho ŵakuyeghamo mivi.