Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 12:1-8

IVYO VILI MU BUKU ILI

  • Yehova wakuwuka kuti wachitepo kanthu

    • Mazgu gha Chiuta ngakutowa (6)

Kwa wakulongozga sumu, yichunikire pa Shiminiti.* Sumu ya Davide. 12  Niponoskani, A Yehova, pakuti wakugomezgeka kulijeso. Ŵanthu ŵachipulikano ŵamara mukati mu ŵanthu.   Ŵakuyowoya mautesi kwa yumoza na munyake. Ŵakumyamyatika na milomo yawo, ŵakuyowoya na mitima yaupusikizgi.*+   Yehova wacheketenge milomo yose yakumyamyatika Na lulimi ulo lukuyowoya vyakujikuzga,+   Awo ŵakuti: “Tiluskenge na malulimi ghithu. Tikuchita chilichose icho takhumba na milomo yithu. Ni njani waŵenge na mazaza pa ise?”+   Yehova wakuti: “Pakuti ŵakusuzgika ŵakuyuzgika, Ŵakavu ŵakutampha,+ Niwukenge na kuchitapo kanthu, Niŵaponoskenge ku wose awo ŵakuŵanyoza.”   Mazgu gha Yehova ngakutowa,+ Ghali nga ni siliva lakwengeka mu ng’anjo yapasi,* lakwengeka kankhondi na kaŵiri.   Imwe Yehova, muŵasungilirenge.+ Muvikilirenge waliyose wa iwo ku muwiro uwu muyirayira.   Ŵaheni ŵakwenda kosekose kwambura chakujandizga, Chifukwa ŵana ŵa ŵanthu ŵakuhaya ukazuzi.+

Mazgu Ghamusi

Mazgu gheneko, “ŵakuyowoya na mitima yiŵiri.”
Pangayowoyekaso kuti, “ng’anjo yakusongonoleramo visulo iyo yili pasi.”