Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 118:1-29

IVYO VILI MU BUKU ILI

  • Kuwonga chifukwa cha kutonda kwa Yehova

    • ‘Nkhachema Ya, ndipo wakanizgora’ (5)

    • “Yehova wali kwa ine” (6, 7)

    • Libwe lakukanika lazgoka libwe lakuzirwa lapakona (22)

    • “Uyo wakwiza mu zina la Yehova” (26)

118  Wongani Yehova, chifukwa ni muwemi.+ Lusungu* lwake lukukhalilira muyirayira.   Israyeli wayowoye kuti: “Lusungu lwake lukukhalilira muyirayira.”   Ŵa nyumba ya Aroni ŵayowoye kuti: “Lusungu lwake lukukhalilira muyirayira.”   Awo ŵakopa Yehova ŵayowoye kuti: “Lusungu lwake lukukhalilira muyirayira.”   Nkhachema Ya* mu suzgo yane. Ya wakanizgora na kunitolera ku malo gha chivikiliro.*+   Yehova wali kwa ine, niwopenge chara.+ Kasi munthu wangachitachi kwa ine?+   Yehova wali kwa ine nga ni movwiri wane,*+ Nilaŵiskenge mwauchatonda pa awo ŵakunitinkha.+   Ntchiwemi kubisama mwa Yehova Kuluska kuthemba ŵanthu.+   Ntchiwemi kubisama mwa Yehova Kuluska kuthemba ŵakaronga.+ 10  Mitundu yose yikanizingilizga, Kweni nkhayichunkhiska Mu zina la Yehova.+ 11  Ŵakanizingilizga, enya, ŵakaniwungilira mboo, Kweni nkhaŵachunkhiska Mu zina la Yehova. 12  Ŵakanimbonya nga ni njuchi, Kweni ŵakazimwa luŵiro nga ni moto mu minga. Nkhaŵachunkhiska Mu zina la Yehova.+ 13  Nkhatutuzgika* chomene kuti niwe pasi, Kweni Yehova wakanovwira. 14  Ya ntchigongwe chane na nkhongono zane, Ndipo waŵa chiponosko chane.+ 15  Mazgu gha kusekelera na kutonda Ghali mu mahema gha ŵarunji. Woko lamalyero la Yehova likulongora nkhongono zake.+ 16  Woko lamalyero la Yehova likujikwezga lekha. Woko lamalyero la Yehova likulongora nkhongono zake.+ 17  Nifwenge yayi, enya, niŵenge wamoyo, Kuti nipharazge milimo ya Ya.+ 18  Ya wakanilanga chomene,+ Kweni wakanipeleka ku nyifwa yayi.+ 19  Nijulirani vipata vya urunji.+ Ninjirepo na kulumba Ya. 20  Ichi ntchipata cha Yehova. Murunji wanjirengepo.+ 21  Nimulumbaninge, chifukwa mukanizgora+ Ndipo mukaŵa chiponosko chane. 22  Libwe ilo ŵakuzenga ŵakalikana Lazgoka libwe lakuzirwa lapakona.*+ 23  Ichi chafuma kwa Yehova.+ Ntchakuzizwiska mu maso ghithu.+ 24  Ili ni zuŵa ilo Yehova walipanga. Tikondwenge na kusekelera mwa ilo. 25  Yehova, tiponoskani taŵeya, tikumulombani! Yehova, tovwirani kuti titonde, taŵeya! 26  Ngwakutumbikika uyo wakwiza mu zina la Yehova.+ Tikumutumbikani mu nyumba ya Yehova. 27  Yehova ndiyo ni Chiuta, Wakutipa ungweru.+ Namwe ndondani na minthavi mu mawoko kuya ku chiphikiro,+ M’paka ku masengwe gha pa jotchero.+ 28  Ndimwe Chiuta wane, ndipo nimulumbaninge. Chiuta wane, nimukwezganinge.+ 29  Wongani Yehova,+ chifukwa ni muwemi. Lusungu* lwake lukukhalilira muyirayira.+

Mazgu Ghamusi

Panji kuti, “Chitemwa chakugomezgeka.”
“Ya” nkhudumura kwa zina lakuti Yehova.
Panji kuti, “malo ghasani.”
Pangayowoyekaso kuti, “pamoza na awo ŵakunovwira.”
Pangayowoyekaso kuti, “Mukanikantchizga.”
Mazgu gheneko, “Lazgoka mutu wa pakona.”
Panji kuti, “Chitemwa chakugomezgeka.”