Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 116:1-19

IVYO VILI MU BUKU ILI

  • Sumu ya kuwonga

    • “Kasi ningamuwezgera vichi Yehova?” (12)

    • “Nitorenge nkhombo ya chiponosko” (13)

    • “Nifiskenge vilapo vyane kwa Yehova” (14, 18)

    •  Nyifwa ya ŵakugomezgeka njamtengo wapatali (15)

116  Nkhutemwa Yehova Chifukwa wakupulika* lizgu lane, para nkhuŵeya kuti wanovwire.+   Pakuti wakuthya khutu kwa ine,+ Nimuchemenge nyengo yose iyo niliri wamoyo.*   Vingwe vya nyifwa vikanipombezga, Dindi likanikora.*+ Suzgo na chitima vikaninyekezga.+   Kweni nkhachema pa zina la Yehova,+ nkhati: “A Yehova, nithaskani!”   Yehova ngwachiwuravi* na murunji.+ Chiuta withu ngwalusungu.+   Yehova wakusungilira wambura mahara.+ Nkhakhizgikira pasi, ndipo wakaniponoska.   Umoyo wane upumureso, Pakuti Yehova wanichitira lusungu.   Mwanithaska* ku nyifwa, Jiso lane ku masozi, lundi lane kuti lileke kukhuŵara.+   Nendenge pamaso pa Yehova mu charu cha ŵamoyo. 10  Nkhaŵa na chipulikano, lekani nkhayowoya,+ Nangauli nkhayuzgika chomene. 11  Kweni apo nkhafinyilizgika, nkhati: “Munthu waliyose ni mutesi.”+ 12  Kasi ningamuwezgera vichi Yehova Pa viwemi vyose ivyo wanichitira? 13  Nitorenge nkhombo ya chiponosko, Ndipo nichemenge pa zina la Yehova. 14  Nifiskenge vilapo vyane kwa Yehova Pamaso pa ŵanthu ŵake wose.+ 15  Mu maso gha Yehova Nyifwa ya ŵakugomezgeka ŵake njamtengo wapatali.*+ 16  Nkhumuŵeyani, A Yehova, Pakuti ndine muteŵeti winu. Ndine muteŵeti winu, mwana wa muzgakazi winu. Mwanisutura mu simbi zane.+ 17  Nipelekenge kwa imwe sembe ya kuwonga,+ Nichemenge pa zina la Yehova. 18  Nifiskenge vilapo vyane kwa Yehova+ Pamaso pa ŵanthu ŵake wose,+ 19  Mu maluŵaza gha nyumba ya Yehova,+ Mukati mwako, iwe Yerusalemu. Lumbani Ya!*+

Mazgu Ghamusi

Pangayowoyekaso kuti, “Nkhumutemwa chifukwa Yehova wakupulika.”
Mazgu gheneko, “mu mazuŵa ghane ghose.”
Mazgu gheneko, “Visuzgo vya Sheole vikanisanga.”
Panji kuti, “ngwauchizi.”
Panji kuti, “Mwathaska umoyo wane.”
Panji kuti, “njakuzirwa.”
Panji kuti, “Aleluya.” “Ya” nkhudumura kwa zina lakuti Yehova.