Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 112:1-10

IVYO VILI MU BUKU ILI

  • Munthu murunji wakopa Yehova

    • Uyo wakukongozga mwawanangwa vikumwendera makora (5)

    • “Murunji wakumbukikenge muyirayira” (6)

    • Munthu mwanangwa wakupako vinthu ŵakavu (9)

112  Lumbani Ya!*+ א [Aleph] Ngwakukondwa munthu uyo wakopa Yehova,+ב [Beth] Uyo wakukondwa chomene na malango ghake.+ ג [Gimel]   Mphapu yake yiŵenge yankhongono mu charu chapasi,ד [Daleth] Ndipo muwiro wa ŵakunyoloka utumbikikenge.+ ה [He]   Chuma na usambazi vili mu nyumba yake,ו [Waw] Ndipo urunji wake ukukhalilira muyirayira. ז [Zayin]   Wakuŵalira ŵakunyoloka nga mbungweru mu chisi.+ ח [Heth] Iyo ngwachiwuravi, walusungu,+ na murunji. ט [Teth]   Munthu uyo wakukongozga mwawanangwa vikumwendera makora.+ י [Yod] Wakuchita vinthu vyake mwaurunji. כ [Kaph]   Wasunkhunyikengepo chara.+ ל [Lamed] Murunji wakumbukikenge muyirayira.+ מ [Mem]   Wawopenge yayi makani ghaheni.+ נ [Nun] Mtima wake ngwakukhora, ukuthemba Yehova.+ ס [Samekh]   Mtima wake ukusunkhunyika chara.* Wakopa chara,+ע [Ayin] Paumaliro walaŵiskenge mwauchatonda pa ŵalwani ŵake.+ פ [Pe]   Wagaŵizga mwawanangwa. Wapeleka ku ŵakavu.+ צ [Tsade] Urunji wake ukukhalilira muyirayira.+ ק [Qoph] Nkhongono zake zikwezgekenge* na uchindami. ר [Resh] 10  Muheni wawonenge na kukwiya. ש [Shin] Wamemenenge mino ghake na kuzgeŵelekera. ת [Taw] Makhumbiro gha muheni ghamalenge.+

Mazgu Ghamusi

Panji kuti, “Aleluya.” “Ya” nkhudumura kwa zina lakuti Yehova.
Panji kuti, “uli nganganga.”
Mazgu gheneko, “Sengwe lake litumphuskikenge.”