Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 103:1-22

IVYO VILI MU BUKU ILI

  • “Lekani nilumbe Yehova”

    • Chiuta wakuŵika kutali zakwananga zithu (12)

    • Chiuta ngwalusungu nga umo dada wakuchitira na ŵana ŵake (13)

    • Chiuta wakukumbuka kuti tili fuvu (14)

    • Chitengo cha Yehova na uthemba wake (19)

    • Ŵangelo ŵakuchita ivyo Chiuta wayowoya (20)

Salimo la Davide. 103  Lekani nilumbe* Yehova,Chilichose mukati mwane chilumbe zina lake lituŵa.   Lekani nilumbe* Yehova,Ningaluwanga chara vyose ivyo wachita.+   Wakugowokera maubudi ghako ghose,+Na kuchizga nthenda zako zose.+   Wakuwezga umoyo wako ku khululu,*+Wakukuvwalika chitemwa* chake na lusungu nga ni mphumphu.+   Wakukukhutiska na vinthu viwemi+ umoyo wako wose,Ntheura uwukirano wako ukuweleramo nga ngwa nombo.+   Yehova wakuchitira urunji+ kweniso weruzgi wakunyolokaWose awo mbakuyuzgika.+   Wakamanyiska Mozesi nthowa zake,+Milimo yake ku ŵana ŵa Israyeli.+   Yehova ngwalusungu na wachiwuravi,+Wakukalipa luŵiro chara, ngwakuzura na chitemwa.*+   Wakhalirenge waka kusanga vifukwa chara,+Nesi kukwiya muyirayira.+ 10  Wakuchita nase kuyana na kwananga kwithu chara,+Panji kutiwezgera kuyana na maubudi ghithu.+ 11  Pakuti umo mtambo uli kutumphukira pachanya pa charu chapasi,Ndimoso uliri ukuru wa lusungu lwake ku awo ŵakumopa.+ 12  Umo uliri utali kufuma kumafumiro gha dazi kuya kumanjiliro gha dazi,Ndimo waŵikira maubudi ghithu kutali na ise.+ 13  Umo dada wakulongolera lusungu ku ŵana ŵake,Ndimo Yehova wakulongolera lusungu ku awo ŵakumopa.+ 14  Pakuti wakumanya makora umo tili kupangikira,+Wakukumbuka kuti tili fuvu.+ 15  Kweni mazuŵa gha munthu ghali nga mbutheka,+Wakuzota nga ni luŵa la mu thondo.+ 16  Kweni para mphepo yaputa, likuzgeŵelekera.Nga kuti likaŵapo chara.* 17  Kweni lusungu* lwa Yehova ndwamuyirayira swiiKu wose awo ŵakumopa,+Na urunji wake ku ŵana ŵa ŵana ŵawo,+ 18  Ku awo ŵakusunga phangano lake+Na awo ŵakulondezga malanguro ghake mwakupwelelera. 19  Yehova wakhozga chitengo chake kuchanya.+Uthemba wake ukuwusa pa chilichose.+ 20  Lumbani Yehova, imwe ŵangelo+ ŵake mose, ŵakukhora mu nkhongono,Imwe mukuchita ivyo wakuyowoya+ na kupulikira lizgu lake.* 21  Lumbani Yehova, imwe mose mawumba ghake,+Ŵateŵeti ŵake imwe mukuchita khumbo lake.+ 22  Lumbani Yehova, imwe mose milimo yake,Mu malo ghose agho wakuwusa.* Umoyo wane wose ulumbe Yehova.

Mazgu Ghamusi

Panji kuti, “Umoyo wane ulumbe.”
Panji kuti, “Umoyo wane ulumbe.”
Panji kuti, “dindi.”
Panji kuti, “chitemwa chakugomezgeka.”
Panji kuti, “chitemwa chakugomezgeka.”
Mazgu gheneko, “Malo ghake ghakulimanyaso chara.”
Panji kuti, “chitemwa chakugomezgeka.”
Mazgu gheneko, “kupulika lizgu la kuyowoya kwake.”
Panji kuti, “malo gha muwuso wake.”