Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 101:1-8

IVYO VILI MU BUKU ILI

  • Mulongozgi uyo wakuchita vinthu mwakunyoloka

    • ‘Nilekelerenge yayi munthu wakujikuzga’ (5)

    • “Nilaŵiskenge ku ŵakugomezgeka” (6)

Salimo la Davide. Sumu. 101  Nimbenge vya lusungu* na urunji. Nimwimbiraninge malumbo, A Yehova.   Nichitenge mwakuchenjera kweniso kwambura kalema. Kasi mwizenge pawuli kwa ine? Nendenge mu nyumba yane na mtima wakufikapo.+   Niŵikengepo yayi kanthu kawakawaka panthazi pa maso ghane. Nkhutinkha milimo ya awo ŵakupatukako ku icho ntchakwenelera.+ Nilije nayo ntchito.*   Mtima wakubendera uli kutali nane. Nizomerezgenge* chara icho ntchiheni.   Yose uyo wakusesa mzengezgani wake ku udesi,+ Nimuchetamiskenge.* Yose uyo wali na maso ghakujikuzga na mtima wamtonyoro, Nimulekelerenge yayi.   Nilaŵiskenge ku ŵakugomezgeka ŵa charu chapasi, Mwakuti ŵakhale nane. Uyo wakwenda kwambura kafukwa ndiyo waniteŵeterenge.   Munthu mukhuluku wakhalengemo yayi mu nyumba yane, Mutesi wimengepo yayi pamaso pane.   Mulenji uliwose nichetamiskenge* ŵaheni wose pa charu chapasi, Kudumuramo ŵabendezi wose mu msumba wa Yehova.+

Mazgu Ghamusi

Panji kuti, “chitemwa chakugomezgeka.”
Mazgu gheneko, “Yinidemelerenge yayi.”
Mazgu gheneko, “Nimanyenge.”
Panji kuti, “Nimuparanyenge.”
Panji kuti, “niparanyenge.”