Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 10:1-18

IVYO VILI MU BUKU ILI

  • Yehova, movwiri wa ŵakusokwa

    • Muheni wakuti: “Chiuta kulije” (4)

    • Ŵakusuzgika ŵakuzgokera kwa Yehova (14)

    • “Yehova ni Themba muyirayira” (16)

ל [Lamed] 10  A Yehova, kasi mukwimilirachi patali? Mukujibisirachi mu nyengo za suzgo?+   Mu kujikuzga kwake, muheni wakuskera munthu wakusoŵa pakukora,+ Kweni wakolekenge mu vipingo ivyo wathya.+   Pakuti muheni wakujithumbwa na makhumbiro ghake ghauryezi,+ Ndipo wakutumbika muryezi,*נ [Nun] Wakuyuyura Yehova.   Mu kujikuzga kwake, munthu muheni wakufumbilira yayi. Maghanoghano ghake ghose ngakuti: “Chiuta kulije.”+   Vinthu vikumwendera makora,+ Kweni vyeruzgo vinu wakuvipulikiska yayi.+ Wakunyoza wose awo ŵakupindikana nayo.   Mu mtima wake wakuti: “Nizamusunkhunyikapo yayi. Nizamuwonapo soka yayi+ Mu miwiro na miwiro.” פ [Pe]   Mulomo wake ngwakuzura na mazgu ghakutemba, mautesi, na kufinga,+ Kusi ku lulimi lwake kuli suzgo na kuŵinya.+   Wakujoŵelera ŵanthu pafupi na vikaya. Wakuvutupuka apo wabisama na kukoma munthu wambura mulandu.+ ע [Ayin] Maso ghake ghakukhazga munthu wakusokwa.+   Wakubisama nga ni nkhalamu mu muchembo wake.+ Wakukhazga kuti wakore munthu wakusoŵa pakukora. Wakukora munthu wakusokwa para wakuguza ukonde wake.+ 10  Uyo wakoleka wakung’anyika na kuwiskika pasi, Ŵakusokwa ŵakuwira mu mawoko ghake.* 11  Mu mtima wake wakuti: “Chiuta waluwa.+ Walazgira chisko chake kunyake. Wakuwona chara.”+ ק [Qoph] 12  Wukani, A Yehova.+ Mwe Chiuta, tumphuskani woko.+ Ŵakusoŵa pakukora mungaŵaluwanga chara.+ 13  Chifukwa wuli muheni wakuyuyura Chiuta? Mu mtima wake wakuti: “Munganifumbapo yayi.” ר [Resh] 14  Kweni imwe mukuwona suzgo na soka. Mukulaŵiska na kuchitapo kanthu.+ Munthu wakusokwa wakuzgokera kwa imwe,+ Ndimwe movwiri wa mwana mulanda.*+ ש [Shin] 15  Phyorani woko la munthu mubendezi na muheni,+ Mwakuti para mukupenja uheni wake, Muleke kuwusangaso. 16  Yehova ni Themba muyirayira swii.+ Mitundu yaparanyika kufumapo pa charu chapasi.+ ת [Taw] 17  Kweni imwe, A Yehova, mupulikenge pempho la ŵakuzika.+ Mukhozgenge mitima yawo+ na kutegherezga kwa iwo.+ 18  Muchitirenge urunji mwana mulanda na ŵakuyuzgika,+ Mwakuti munthu wa pa charu chapasi waleke kuŵawofyaso.+

Mazgu Ghamusi

Pangayowoyekaso kuti, “Muryezi wakujitumbika yekha.”
Panji kuti, “mphaliro zakukhora.”
Panji kuti, “wambura wiske.”