Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Mariko 16:1-8

IVYO VILI MU BUKU ILI

  • Yesu wawuskika (1-8)

16  Sono zuŵa la Sabata+ likati lajumpha, Mariya wa ku Magadala, Salome, na Mariya+ nyina wa Yakobe, ŵakagura vyakununkhira kuti ŵakaphakazge thupi la Yesu.+  Ndipo mulenjilenji pa zuŵa lakwamba la sabata dazi likati lafuma, ŵakiza ku dindi.*+  Ndipo ŵakatenge kwa yumoza na munyake: “Ni njani wamutiwuskirapo libwe pa mulyango wa dindi?”  Kweni ŵakati ŵinuska maso, ŵakawona kuti libwe lakunkhuzgikira pamphepete, nangauli likaŵa likuru chomene.+  Ŵakati ŵanjira mu dindi, ŵakawona munyamata wakhala chakumalyero wavwara munjilira utuŵa, ndipo ŵakati waka pwaza!  Iyo wakati kwa iwo: “Lekani kuzizwa.+ Nkhumanya kuti mukupenja Yesu Munazarete, uyo wakapayikika pa khuni. Wali kuwuskika.+ Wali muno yayi. Wonani, malo agho ŵakamugonekapo.+  Kweni lutani, mukaphalire ŵasambiri ŵake na Petrosi, kuti, ‘Wadangira munthazi mwinu wakuya ku Galileya.+ Mwamumuwona kwenekura nga umo wakamuphalilirani.’”+  Ntheura ŵakafuma mu dindi na kuchimbira, ŵakatenthema na kuzizwa. Ndipo ŵakaphalirapo waliyose yayi chifukwa ŵakaŵa na wofi.*+

Mazgu Ghamusi

Panji kuti, “dindi lachikumbusko.”
Mipukutu yakwambilira yakugomezgeka yikulongora kuti buku la Mariko likumara na mazgu gha mu vesi 8. Wonani Vyakusazgirapo A3.