Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Joshuwa 12:1-24

IVYO VILI MU BUKU ILI

  • Mathemba ghakumafumiro gha dazi kwa Yorodani ghathereskeka (1-6)

  • Mathemba ghakumanjiliro gha dazi kwa Yorodani ghathereskeka (7-24)

12  Agha ni mathemba gha charu agho Ŵaisrayeli ŵakaghathereska na kupoka charu chawo kumafumiro gha dazi kwa Yorodani, kwamba ku Dambo la Arinoni+ m’paka ku Phiri la Heremoni+ na Araba yose kulazga kumafumiro gha dazi:+  Sihoni+ themba la Ŵaamori, uyo wakakhalanga ku Heshiboni, ndipo wakawusanga Aroyeri,+ mumphepete mwa Dambo la Arinoni,+ ndiposo kwamba pakatikati pa dambo, na hafu ya chigaŵa cha Giliyadi m’paka ku Dambo la Yaboku, mphaka ya Ŵaamoni.  Wakawusangaso ku Araba m’paka ku Nyanja ya Kinereti*+ chakumafumiro gha dazi gha Nyanja ya Araba, Nyanja Yamchere,* kumafumiro gha dazi kulazga ku Beti-yeshimoti na kumwera musi mwa vikhizga vya Pisiga.+  Ŵakathereskaso chigaŵa cha Ogi+ themba la Bashani, uyo wakakhalako pa Ŵarefayimu,+ mweneuyo wakakhalanga mu Ashitaroti na Edireyi.  Wakawusanga ku Phiri la Heremoni, Saleka na Bashani yose+ m’paka ku mphaka ya Ŵageshuri na Ŵamakati,+ na hafu ya Giliyadi, m’paka ku chigaŵa cha Sihoni themba la Heshiboni.+  Mozesi muteŵeti wa Yehova pamoza na Ŵaisrayeli ŵakaghathereska,+ ndipo Mozesi muteŵeti wa Yehova wakapeleka charu chawo ku Ŵarubeni, Ŵagadi, na hafu ya fuko la Manase.+  Agha ni mathemba gha charu agho Joshuwa pamoza na Ŵaisrayeli ŵakaghathereska kumanjiliro gha dazi kwa Yorodani, kwamba ku Baala-gadi+ mu Dambo la Lebanoni+ m’paka ku Phiri la Halaki,+ ilo likufika ku Seyiri,+ ndipo Joshuwa wakachipeleka ku mafuko gha Israyeli kuŵa chigaŵa chawo,+  mu chigaŵa cha mapiri, Shefela, Araba, pa vikhizga, mu mapopa na Negebu,+ charu cha Ŵahiti, Ŵaamori,+ Ŵakenani, Ŵaperizi, Ŵahivi, na Ŵayebusi:+   Themba la Yeriko,+ limoza. Themba la Ayi+ ilo likaŵa pafupi na Beteli, limoza. 10  Themba la Yerusalemu, limoza. Themba la Heburoni,+ limoza. 11  Themba la Yarimuti, limoza. Themba la Lakishi, limoza. 12  Themba la Egiloni, limoza. Themba la Gezeri,+ limoza. 13  Themba la Debiri,+ limoza. Themba la Gedere, limoza. 14  Themba la Horima, limoza. Themba la Aradi, limoza. 15  Themba la Libuna,+ limoza. Themba la Adulamu, limoza. 16  Themba la Makeda,+ limoza. Themba la Beteli,+ limoza. 17  Themba la Tapuwa, limoza. Themba la Heferi, limoza. 18  Themba la Afeki, limoza. Themba la Lasharoni, limoza. 19  Themba la Madoni, limoza. Themba la Hazori,+ limoza. 20  Themba la Shimuroni-meroni, limoza. Themba la Akishafu, limoza. 21  Themba la Tanaki, limoza. Themba la Megido, limoza. 22  Themba la Kedeshi, limoza. Themba la Yokineyamu+ mu Karimeli, limoza. 23  Themba la Dori+ pa vikhizga vya Dori, limoza. Themba la Goyimu mu Giligala, limoza. 24  Themba la Tiriza, limoza. Mathemba ghose ghakakwana 31.

Mazgu Ghamusi

Ndiko kuti, nyanja ya Genesareti, panji kuti, Nyanja ya Galileya.
Ndiko kuti, Nyanja Yakufwa.