Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Hoseya 8:1-14

IVYO VILI MU BUKU ILI

  • Kulangika chifukwa cha chikozgo (1-14)

    • Kuseŵa mphepo, kuvuna kavuluvulu (7)

    • Israyeli waluwa Mlengi wake (14)

8  “Ŵika mbata ku mulomo wako!+ Munyake wakwiza nga ni nombo kwimikana na nyumba ya Yehova,+ Pakuti ŵaswa phangano+ lane na kwanangira dango lane.+   Iwo ŵakulira kwa ine kuti, ‘Chiuta withu, ise Ŵaisrayeli tikumumanyani!’+   Israyeli wakana icho ntchiwemi.+ Mulwani wamuskere.   Ŵimika mathemba, kweni kwizira mwa ine chara. Ŵimika ŵakaronga, kweni ine nkhuŵamanya chara. Ŵapanga vikozgo na siliva lawo na golide lawo,+ Na kujiparanya.+   Iwe Samariya, nalikana tholi lako.+ Ukali wane ukugolera pa iwo.+ Kasi mphawuli apo ŵazamuŵapo ŵambura kafukwa?   Pakuti ichi chafuma ku Israyeli. Nkhwantha ndiyo yikapanga, ni Chiuta yayi; Tholi la Samariya lizamuzgoka tuchokotuchoko.   Pakuti ŵakuseŵa mphepo, Ŵazamuvuna kavuluvulu.+ Palije tirigu uyo wakuŵa na mphonje;+ Mbuto izo zikuphuka zikuŵapa ufu chara. Para mbuto zinyake zingababa, ŵalendo ndiwo ŵazamumira.+   Israyeli wazamumilika.+ Sono wazamuŵa mukati mwa ŵamitundu,+ Wazamuŵa nga ntchiŵiya chambura kukhumbikwa.   Pakuti ŵakwelera ku Asiriya+ nga ni mbunda yamuthengere iyo yikwenda yekha. Efurayimu wakumba* vibwezi.+ 10  Nangauli ŵavikumba kufuma mu ŵamitundu, Sono niŵawunjikenge pamoza; Ŵambenge kusuzgika+ chifukwa cha katundu muzito uyo themba na ŵakaronga ŵaŵanyekezga nayo. 11  Pakuti Efurayimu wazenga majotchero ghanandi, ndipo wananga.+ Majotchero ghake ghakazgoka ghakwanangirapo.+ 12  Nkhamulembera vinthu vinandi vya dango lane,* Kweni ŵakaviwonanga nga ni vyachilendo.+ 13  Ŵakupeleka sembe za wanangwa kwa ine ndipo iwo ŵakurya nyama, Kweni Yehova wakukondwa nawo yayi.+ Sono wakumbukenge ubendezi wawo na kuŵalanga chifukwa cha zakwananga zawo.+ Ŵazgokeraso* ku Eguputo.+ 14  Israyeli waluwa Mlengi+ wake ndipo wazenga matempile,+ Ndipo Yuda wandaniska misumba ya malinga.+ Kweni nitumenge moto mu misumba yake, Ndipo wamunyekeska vigongwe vya msumba uliwose.”+

Mazgu Ghamusi

Mazgu ghanyake, “wamema.”
Panji kuti, “chisambizgo chane.”
Pangayowoyekaso kuti, “Ŵawelerenge.”