Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Hoseya 7:1-16

IVYO VILI MU BUKU ILI

  • Uheni wa Efurayimu (1-16)

    • Ukonde wa Chiuta uli palipose (12)

7  “Pa nyengo iyo nkhukhumba kuchizga Israyeli, Kwananga kwa Efurayimu nako kukuvumbukwa,+ Kweniso uheni wa Samariya.+ Pakuti ŵakuchita uryarya,+ Ŵankhungu ŵakunjira, ndipo gulu la ŵakuwukira likujoŵelera kuwaro.+   Kweni ŵakughanaghanapo chara mu mtima wawo kuti nizamukumbuka viheni vyawo vyose.+ Sono milimo yawo yaŵazingilizga. Yili pamaso pane.   Themba ŵakulikondweska na uheni wawo, Ndipo ŵakaronga ŵakuŵakondweska na uryarya wawo.   Wose mbaleŵi, Ŵakugolera nga ni moto wa mu uvuno uwo wapembeka na wakuphika vibama, Uyo para wakasa nthimphwa, wakuleka kusonkhezga moto m’paka yitukumuke.   Ŵakaronga ŵalwara pa zuŵa la themba lithu Ŵakwiya chifukwa cha vinyo.+ Wanyoloskera woko lake ku ŵakunyoza.   Pakuti ŵakwiza na mitima yakugolera nga ni uvuno.* Wakuphika wakugona usiku wose; Namulenji uvuno ukugolera nga ni dimi la moto.   Wose mbakotcha nga ni uvuno, Ndipo ŵakurya ŵawusi* ŵawo. Mathemba ghawo ghose ghawa;+ Palije na yumoza mukati mwawo uyo wakuchema kwa ine.+   Efurayimu wasazgikana na ŵamitundu.+ Efurayimu wali nga ntchibama chambura kugadabulika.   Ŵalendo ŵaphanga nkhongono+ zake, kweni iyo wakumanya yayi. Ndipo sisi lake lazgoka lituŵa na mbuha,* kweni iyo wakumanya yayi. 10  Kunotha kwa Israyeli kukumupanikizgira,+ Kweni ŵandawelere kwa Yehova Chiuta wawo,+ Nesi kumupenja nangauli pachitika vyose ivi. 11  Efurayimu wali nga ni nkhunda yizereza, yambura mahara.+ Ŵakuchema ku Eguputo,+ ndipo ŵaluta ku Asiriya.+ 12  Kulikose uko ŵakuluta, namutandazulira ukonde wane pa iwo. Namuŵakhizgira pasi nga ni viyuni vyamudera. Namuŵalanga kuyana na chenjezgo ilo likapelekeka ku wumba wawo.+ 13  Soka kwa iwo, chifukwa ŵachimbirako kwa ine! Pharanyiko kwa iwo, chifukwa ŵaninangira! Nkhanozgeka kuŵawombora, kweni ŵaniyowoyera mautesi.+ 14  Ŵakanipempha wovwiri na mtima wose chara,+ Nangauli ŵakaliranga pa mabedi ghawo. Pakuti ŵakujicheka chifukwa cha vyakurya vyawo na vinyo lawo liphya; Ŵakunigalukira. 15  Nangauli nkhaŵalanga na kukhozga mawoko ghawo, Ŵaniwukira, ŵakunozga chiŵembu. 16  Ŵakazgoka, kweni ŵakazgokera ku chinthu chakutumphuka chara; Ŵakaŵa ŵambura kugomezgeka nga ni uta wakudewezgeka.*+ Ŵakaronga ŵawo ŵazamuwa na lupanga chifukwa cha malulimi ghawo ghankhwesa. Pa chifukwa ichi, ŵazamuŵa chinthu chakuyowoyereka msinjiro mu charu cha Eguputo.”+

Mazgu Ghamusi

Pangayowoyekaso kuti, “Pakuti mitima yawo yili nga ni uvuno para ŵakusendelera na njomba zawo.”
Mazgu gheneko, “ŵeruzgi.”
Mazgu ghanyake, “nyivwi.”
Mazgu ghanyake, “kugowoskeka.”