Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Hoseya 6:1-11

IVYO VILI MU BUKU ILI

  • Kuwelera kwa Yehova (1-3)

  • Chitemwa chawo chili nga ni jumi (4-6)

    • Chitemwa chikuluska sembe (6)

  • Nkharo yakukhozga soni (7-11)

6  “Zaninge, tiyeni tiwelere kwa Yehova, Pakuti watitwazura tuchokotuchoko,+ kweni watichizgenge. Wakatitimba, kweni wakakenge vilonda vithu.   Wazamutiwuska para pajumpha mazuŵa ghaŵiri. Pa zuŵa lachitatu wazamutinyamuska, Ndipo tizamuŵa ŵamoyo pamaso pake.   Timanyenge, tifwilirengepo kuti timumanye Yehova. Kwiza kwake nkhwambura kutondeka nga ni matandakucha; Wizenge kwa ise nga ni vula iyo yikulokwa, Nga ni vula yaumaliro iyo yikuzumbwiska charu.”   “Kasi nichitechi nawe, iwe Efurayimu? Kasi nichitechi nawe, iwe Yuda? Pakuti lusungu* lwinu luli nga ni mabingu gha mulenji, Nga ni jumi ilo likulakata luŵiro.   Lekani nizamutuma zintchimi kuti ziŵadumulire pasi;+ Nizamuŵakoma na mazgu gha mu mulomo wane.+ Ndipo vyeruzgo ivyo vizamwiza pa imwe vizamuŵala nga mbungweru.+   Pakuti nkhukondwa na lusungu,* sembe chara; Nkhutemwa kumumanya Chiuta kuluska sembe zakotcha zamsuma.+   Kweni iwo ŵaswa phangano+ nga mbanthu waka. Ŵanichitira upusikizgi kwenekura.   Giliyadi ni tawuni ya ŵanthu ŵakuchita viheni,+ Wazura na kuthiska ndopa.+   Wumba wa ŵasembe* uli nga ni magulu ghakuphanga vyaŵene agho ghakujoŵelera munthu. Ŵakukoma ŵanthu pa nthowa ya Shekemu,+ Pakuti nkharo yawo njakulengeska. 10  Nawona chinthu chakofya mu nyumba ya Israyeli. Efurayimu wakuchita uhule kwenekura,+ Israyeli wajifipiska.+ 11  Kweniso, iwe Yuda, nyengo yakuti uvunike yatemeka, Para nawunjika ŵanthu ŵane awo ŵakakoleka.”+

Mazgu Ghamusi

Panji kuti, “chitemwa chakugomezgeka.”
Panji kuti, “chitemwa chakugomezgeka.”
Mazgu ghanyake, “ŵasofi.”