Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Hoseya 4:1-19

IVYO VILI MU BUKU ILI

  • Yehova wakususka Israyeli (1-8)

    • Mu charu mulije kumumanya Chiuta (1)

  • Israyeli wakusopa vikozgo na kuchita uhule (9-19)

    • Mzimu wa uhule ukuŵapuluska (12)

4  Imwe ŵana ŵa Israyeli, pulikani mazgu gha Yehova, Pakuti Yehova wakususkana na awo ŵakukhala mu charu,+ Chifukwa mu charu mulije unenesko panji lusungu* nesi kumumanya Chiuta.+   Vilapo vyautesi, utesi,+ kukomana+ Kwiba, na uleŵi+ vyazara chomene, Kuthiska ndopa kukulondezgana na kuthiska ndopa.+   Lekani charu chizamutengera+ Ndipo waliyose uyo wakukhalamo wazamusakazika. Vinyama vyamuthondo na viyuni vyamudera, Nanga ni somba zamunyanja, vizamuparanyika.   “Kweni paŵavye munthu wakususka panji kuchenya,+ Pakuti ŵanthu ŵako ŵali nga ni awo ŵakususkana na wasembe.*+   Ntheura uzamukhuŵara uku zuŵa lili ngee, Ndipo ntchimi yizamukhuŵara pamoza na iwe nga ni para ni usiku. Ndipo nyoko nizamumuchetamiska.*   Ŵanthu ŵane ŵachetamiskikenge,* chifukwa ŵakunimanya yayi. Pakuti wakana kunimanya,+ Nane nikukanenge kuti uniteŵetere nga wasembe. Kweniso chifukwa chakuti waluwa dango* la Chiuta wako,+ Naneso niluwenge ŵana ŵako.   Apo ŵakandananga chomene ndipo ŵakaninangirangaso chomene.+ Nisinthenge uchindami wawo kuŵa soni.*   Ŵakurya kwananga kwa ŵanthu ŵane, Ndipo ŵakuwunukira kwananga kwawo.   Ivyo vizamuchitikira ŵanthu ŵane ndivyo vizamuchitikiraso wasembe. Nizamuŵeruzga kuyana na nthowa zawo, Nizamuŵalanga kuyana na vyakuchita vyawo.+ 10  Ŵazamurya, kweni ŵazamukhuta chara.+ Ŵazamuchita uleŵi,* kweni ŵazamwandana chara,+ Chifukwa ŵandapulikire Yehova. 11  Uhule,* vinyo, na vinyo liphya Vikumara mahara ghakuchitira icho ntchakunyoloka.*+ 12  Ŵanthu ŵane ŵakufumba ku vikozgo vyawo vyamakuni, Ŵakuchita ivyo ndodo* yawo yikuŵaphalira; Chifukwa mzimu wa uhule* ukuŵapuluska, Ŵakukana kujilambika kwa Chiuta wawo chifukwa cha uhule.* 13  Ŵakupeleka sembe pachanya pa mapiri,+ Ŵakusunkhizga sembe pachanya pa tumapiri, Musi mwa makuni gha oku, makuni gha livane, na khuni lililose lakuvwinthuka,+ Chifukwa mfwiri wa makuni agha nguwemi. Lekani ŵana ŵinu ŵanakazi ŵakuchita uhule Ndipo ŵakamwana ŵinu ŵakuchita uleŵi. 14  Ŵana ŵinu ŵanakazi niŵalangenge chara chifukwa cha uhule* wawo, Nesi kulanga ŵakamwana ŵinu chifukwa cha uleŵi wawo. Pakuti ŵanalume ŵakutorana na ŵanakazi ŵazaghali, Na kupeleka sembe na mahule gha pa tempile. Ŵanthu ŵambura kupulikiska+ vinthu aŵa ŵazamuparanyika. 15  Imwe Ŵaisrayeli, nangauli mukuchita uhule,*+ Kweni Yuda waleke kuŵa na mulandu.+ Kwiza ku Giligala+ chara panji ku Beti-aveni,+ Ndipo mungalapanga chara kuti: ‘Nga umo Yehova waliri wamoyo!’+ 16  Israyeli wazgoka wankhwesa nga ni ng’ombe yanakazi yankhwesa.+ Kasi sono Yehova waŵaliskenge nga umo wakuliskira mberere yanalume pa malo ghasani? 17  Efurayimu wabatikana na ŵangoza.+ Mulekani! 18  Para phere* lawo lamara, Ŵakuchita uleŵi.* Ndipo ŵawusi ŵake ŵakutemwa chomene vyakukhozga soni.+ 19  Mphepo yizamumuvunga* mu mapapindo ghake, Ndipo ŵazamukhozgeka soni na sembe zawo.”

Mazgu Ghamusi

Panji kuti, “chitemwa chakugomezgeka.”
Mazgu ghanyake, “musofi.”
Panji kuti, “nizamumuparanya.”
Panji kuti, “ŵaparanyikenge.”
Panji kuti, “chisambizgo cha.”
Pangayowoyekaso kuti, “Ŵasinthiska uchindami wane na soni.”
Panji kuti, “Ŵazamuchita uzaghali.”
Panji kuti, “Uzaghali.”
Mazgu gheneko, “Vikuwuskako mtima.”
Panji kuti, “nthonga yawo yakuwukwira.”
Panji kuti, “uzaghali.”
Panji kuti, “uzaghali.”
Panji kuti, “uzaghali.”
Panji kuti, “uzaghali.”
Mazgu ghanyake, “moŵa.”
Panji kuti, “uhule; uzaghali.”
Panji kuti, “yizamumuphyera.”