Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Hoseya 12:1-14

IVYO VILI MU BUKU ILI

  • Efurayimu wawelere kwa Yehova (1-14)

    • Yakhobe wakalimbana na Chiuta (3)

    • Yakhobe wakalira kuti Chiuta wamulengere lusungu (4)

12  “Efurayimu wakurya mphepo. Zuŵa lose wakuskera mphepo ya kumafumiro gha dazi. Wakusazgirako mautesi na nkhaza. Ŵakuchita phangano na Asiriya+ na kuyeghera mafuta ku Eguputo.+   Yehova wali nayo na mulandu Yuda,+ Wazamulanga Yakhobe kuyana na nthowa zake, Na kumuwezgera kuyana na vyakuchita vyake.+   Mu nthumbo wakakora chitende cha mukuru wake,+ Na nkhongono zake wakalimbana na Chiuta.+   Wakalimbana na mungelo ndipo wakaluska. Wakalira na kuŵeya kuti wamulengere lusungu.”+ Wakamusanga pa Beteli, ndipo Chiuta wakayowoya nase kwenekura,+   Yehova, Chiuta wa mawumba,+ Yehova ndilo ni zina lake la chikumbusko.*+   “Ntheura, welera kwa Chiuta wako,+ Lutilira kuŵa na lusungu* na urunji;+ Ndipo nyengo zose gomezga Chiuta wako.   Kweni mu woko la wamalonda muli masikelo ghaupusikizgi; Wakutemwa kwibira ŵanthu.+   Efurayimu wachali kuyowoya kuti, ‘Enya, nasambazga;+ Nasanga chuma.+ Ndipo ŵasangengemo kafukwa chara nesi kwananga mu kutokatoka kwane kose.’   Kweni ine ndine Yehova Chiuta wako kufuma* mu charu cha Eguputo.+ Nizamukukhazikaso mu mahema Nga ni mu mazuŵa gha nyengo yakwimikika.* 10  Nkhayowoya na zintchimi,+ Nkhandaniska mboniwoni zawo, Ndipo nkhayowoya zintharika kwizira mu zintchimi. 11  Mu Giliyadi muli uryarya+ na utesi. Mu Giligala ŵapeleka sembe za ng’ombe,+ Ndipo majotchero ghawo ghali nga ni viwunjiko vyamalibwe mu mizere ya mu munda.+ 12  Yakhobe wakachimbilira ku chigaŵa cha Aramu.*+ Kwenekura ndiko Israyeli+ wakateŵetera kuti watore mwanakazi,+ Ndipo wakaliska mberere kuti watore mwanakazi.+ 13  Kwizira mwa ntchimi, Yehova wakafumiska Israyeli mu Eguputo,+ Ndipo ntchimi ndiyo yikaŵa mulinda wake.+ 14  Efurayimu wamukwiyiska chomene Chiuta,+ Mulandu wake wa ndopa wakhalilira pa iyo; Fumu yake yizamumuwezgera msinjiro wake.”+

Mazgu Ghamusi

Panji kuti, “ni zina ilo wakukumbukika nalo.”
Panji kuti, “chitemwa chakugomezgeka.”
Panji kuti, “kwambira.”
Pangayowoyekaso kuti, “gha chiphikiro.”
Panji kuti, “Siriya.”