Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Hoseya 11:1-12

IVYO VILI MU BUKU ILI

  • Chiuta wakutemwa Israyeli kufuma pa uwukirano (1-12)

    • “Nkhamuchema mwana wane kufuma mu Eguputo” (1)

11  “Apo Israyeli wakaŵa msepuka, nkhamutemwa,+ Ndipo nkhamuchema mwana wane kufuma mu Eguputo.+   Apo iwo* ŵakakhuka chomene kuŵachema, Ndipo iwo ŵakatalikirananga nawo chomene.+ Ŵakalutilira kupeleka sembe ku vikozgo vya Baala,+ Na kupeleka sembe ku vikozgo vyakuŵaja.+   Kweni ndine nkhasambizga Efurayimu kwenda,+ nkhaŵayegha mu mawoko ghane;+ Kweni ŵakaŵa navyo na ntchito chara kuti nkhaŵachizga.   Nkhaŵaguzanga na mikusa ya ŵanthu,* na vingwe vya chitemwa,+ Kwa iwo nkhaŵa nga ni munthu uyo wakufumyamo goliwoli* mu singo* yawo, Nkhasindama na kupeleka chakurya kwa waliyose wa iwo.   Ŵazamuweleraso chara ku charu cha Eguputo, kweni Asiriya ndiyo wazamuŵa themba lawo,+ Chifukwa ŵakakana kuwelera kwa ine.+   Lupanga luzamuzingilira kwimikana na misumba yake+ Na kupankhura mitambiko yake na kuŵamara chifukwa cha chiŵembu chawo.+   Ŵanthu ŵane ŵaŵikapo mtima kuŵa ŵambura kugomezgeka kwa ine.+ Nangauli ŵakuŵachemera pachanya,* kweni palije uyo wakuwuka.   Iwe Efurayimu, kasi ningakujowora wuli?+ Iwe Israyeli, kasi ningakupeleka wuli? Kasi ningakuchitira wuli nga ni Adima? Kasi ningakuzgora wuli kuŵa nga ni Zeboyimu?+ Mtima wane wasintha; Pa nyengo yakuyana waka chiwuravi chane chavunduka.*+   Nizamufumiska chara ukali wane wakugolera. Efurayimu nizamumuparanyaso chara,+ Chifukwa ndine Chiuta, ndine munthu chara, Ndine Mutuŵa mukati mwinu; Nizamwiza mwaukali chara kwimikana namwe. 10  Ŵazamulondezga Yehova, ndipo iyo wazamubangura nga ni nkhalamu;+ Para wakubangura, ŵana ŵake ŵazamwiza kufuma kumanjiliro gha dazi uku ŵakumbwambwantha.+ 11  Pakwiza kufuma ku Eguputo ŵazamumbwambwantha nga nkhayuni, Nga ni nkhunda yikufuma mu charu cha Asiriya;+ Ndipo nizamuŵakhazika mu nyumba zawo,” ndimo wayowoyera Yehova.+ 12  “Efurayimu wanizingilizga na mautesi, Nyumba ya Israyeli yanizingilizga na upusikizgi.+ Kweni Yuda wachali kwenda na Chiuta, Ndipo ngwakugomezgeka pamaso pa Mutuŵa Chomene.”+

Mazgu Ghamusi

Ndiko kuti, zintchimi na ŵanthu ŵanyake awo ŵakatumikanga kuti ŵakasambizge Israyeli.
Panji kuti, “mikusa ya lusungu,” nga nja mupapi.
Panji kuti, “joko.”
Mazgu gheneko, “munthu uyo wakuwuskamo goliwoli mu miskati.”
Ndiko kuti, kasopero kapachanya.
Mazgu gheneko, “chawotcha.”