Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Habakuku 3:1-19

IVYO VILI MU BUKU ILI

  • Ntchimi yikulomba Yehova kuti wachitepo kanthu (1-19)

    • Chiuta wazamuthaska ŵakuphakazgika ŵake (13)

    • Nisekelerenge mwa Yehova nangauli pali masuzgo (17, 18)

3  Lurombo lwa ntchimi Habakuku, mu sumu zachitengero:   A Yehova, napulika vya imwe. Mulimo winu ukunitenthemeska, A Yehova. Mukati mu vyaka,* wuskani mulimo winu! Mukati mu vyaka,* manyiskani mulimo winu. Mu nyengo ya chitimbaheti, mphanyi mwakumbuka kulongora lusungu.+   Chiuta wakafuma ku Temani, Mutuŵa wakafuma ku Phiri la Parani.+ (Selah)* Uchindami wake ukabenekelera machanya,+ Charu chapasi chikazura na malumbo ghake.   Kugadima kwake kukaŵa nga mbungweru.+ Malazi ghaŵiri ghakamwetukanga mu woko lake, Umo mukabisika nkhongono zake.   Panthazi pake pakenda nthenda yakofya,+ Nthenda yakotcha thupi yikamulondezga mu malundi ghake.   Wakimilira na kusunkhunya charu.+ Wati walaŵiska, mitundu yikambwambwantha.+ Mapiri ghamuyirayira ghakabwangandulika,+ Ndipo tumapiri twakale tukasindama. Nthowa zake ni zakale.   Nkhawona suzgo mu mahema gha Kushani. Salu za mahema za charu cha Midiyani zikasunkhunyika.+   A Yehova, kasi mukwimikana na milonga? Kasi ukali winu wagolelera milonga? Panji mwatukutwira nyanja?+ Pakuti mukakwera pa mahachi ghinu,+ Magileta ghinu ghakaluska.+   Uta winu wafumiskika ndipo ngwakunozgeka. Na chilapo, ndodo zikupika mulimo.* (Selah) Na milonga, mukuphwamura charu chapasi. 10  Mapiri ghakugadabuka na vyakuŵinya pakumuwonani.+ Vimaji vikati vyakhutuka vikaphyerapo. Ndimba ya maji yikapoma na mazgu ghake.+ Yikawuska mawoko ghake muchanya. 11  Dazi na mwezi vikimilira jojoloro pa malo ghake ghakukwezgeka.+ Mivi yinu yikenda nga mbungweru.+ Kumwetuka kwa mkondo winu kukaŵala. 12  Mukenda pa charu chapasi mwakutukutwa. Mukakandira pasi mitundu mwaukali. 13  Mukafuma chifukwa cha chiponosko cha ŵanthu ŵinu, kuti muthaske wakuphakazgika winu. Mukateketa mulongozgi* wa nyumba ya muheni. Yikaŵa pwankhu kwambira pa fawundeshoni m’paka ku mtenje.* (Selah) 14  Vilwero vyake mukagwazira mutu wa ŵankhondo ŵake Apo ŵakiza nga ni kavuluvulu kuti ŵanimbininiske. Ŵakasekeleranga chomene kumilimitizga wakusuzgika kumphepete. 15  Mukendendeka mu nyanja na mahachi ghinu, Mukajumpha pakati pa majigha ghakuru gha maji. 16  Nkhapulika ndipo nkhambwambwantha mukati,* Milomo yane yikanjekemera pakupulika mazgu. Kuvunda kukanjira mu viwangwa vyane,+ Malundi ghane musi ghakasunkhunyika. Kweni nkhulindilira chisisi zuŵa la suzgo,+ Pakuti likwiza pa ŵanthu awo ŵakutiwukira. 17  Nanga khuni la mkuyu lingatondeka kuzota,* Ndipo makuni gha mpheska ghangaŵavya chipambi, Nanga maolive ghangatondeka kupambika, Ndipo mu minda mungaŵavya chakurya, Nanga mskambo ungamara mu chiŵaya, Nanga mu viŵaya mungaŵavya ng’ombe, 18  Kweni ine, nisekelerenge mwa Yehova, Nikondwenge mwa Chiuta wa chiponosko chane.+ 19  Fumu Yikuru Yehova ndiyo nkhongono zane,+ Malundi ghane waghazgorenge nga gha mbaŵala Na kuniyendeska pa malo ghapachanya.+

Mazgu Ghamusi

Pangayowoyekaso kuti, “Mu nyengo yithu.”
Pangayowoyekaso kuti, “Mu nyengo yithu.”
Pangayowoyekaso kuti, “Vilapo vya mafuko vikuyowoyeka.”
Mazgu gheneko, “mutu.”
Mazgu gheneko, “singo.”
Mazgu gheneko, “mu nthumbo mwane mukavunduka.”
Mazgu ghanyake, “kuchita maluŵa.”