Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Ezekiyeli 30:1-26

IVYO VILI MU BUKU ILI

  • Uchimi wakwimikana na Eguputo (1-19)

    • Vyayowoyekerathu kuti Nebukadinezara wazamuwukira (10)

  • Nkhongono za Farawo zaphyoka (20-26)

30  Mazgu gha Yehova ghakizaso kwa ine, ghakati:  “Mwana wa munthu, chima ndipo uti, ‘Ichi ndicho Fumu Yikuru Yehova yayowoya: “Lirani kuti, ‘Mbaya mwe, zuŵa likwiza!’   Pakuti zuŵa lili pafupi, enya, zuŵa la Yehova laneng’enera.+ Lizamuŵa zuŵa la mabingu,+ nyengo yakutemeka yakweruzgira mitundu.+   Lupanga lwizenge pa Eguputo, ndipo Etiyopiya wazamumbwambwantha na wofi para ŵakukomeka ŵakuwa mu Eguputo. Chuma chake chikutoleka ndipo malufura* ghake ghagumulika.+   Etiyopiya,+ Puti,+ Ludi, na ŵanthu wose ŵakunjilirana,* Na Kubu, pamoza na ŵana ŵa mu charu cha phangano,* Wose ŵazamuwa na lupanga.”’   Ichi ndicho Yehova wayowoya: ‘Awo ŵakukhozgera Eguputo nawo ŵazamuwa, Ndipo nkhongono izo wakujikuzga nazo zikhizgikirenge pasi.’+ “‘Ŵawenge na lupanga mu charu kufuma ku Migidoli+ m’paka ku Syeni,’+ ndimo yayowoyera Fumu Yikuru Yehova.  ‘Ŵazamuŵa charu cha mayiyi kuluska vyaru vyose vyamayiyi, ndipo misumba yake yizamuparanyika kuluska misumba yose.+  Ndipo ŵazamumanya kuti ine ndine Yehova para napemba moto mu Eguputo na kuphwanya wose awo ŵakumovwira.  Mu zuŵa ilo, nizamutuma mathenga mu ngalaŵa kukawofya Etiyopiya uyo wakujithemba. Wazamutenthema mu zuŵa ilo likwiza pa Eguputo, pakuti lizenge nadi.’ 10  “Ichi ndicho Fumu Yikuru Yehova yayowoya: ‘Na woko la Nebukadinezara* themba la Babuloni, nizamumazga viwuru vya Eguputo.+ 11  Iyo na ŵankhondo ŵake, awo ni mtundu wakofya chomene,+ ŵazamunjizgika mu charu kuti ŵachiparanye. Ŵazamusolora malupanga ghawo kwimikana na Eguputo na kuzuzga charu na ŵakukomeka.+ 12  Migelo* ya Nayelo+ nizamuyizgora yakomira ndipo nizamuguliska charu mu woko la ŵanthu ŵaheni. Nizamupangiska kuti charu na vyose ivyo vilimo vizakaparanyike na woko la ŵalendo.+ Ine Yehova nayowoya.’ 13  “Ichi ndicho Fumu Yikuru Yehova yayowoya: ‘Niparanyengeso vikozgo vyakuseluska na kumazga ŵachiuta ŵawakawaka ŵa Nofu.*+ Mu charu cha Eguputo muzamufumaso karonga* chara, ndipo nizamuŵika wofi mu charu cha Eguputo.+ 14  Nizamupasura Patirosi,+ na kupemba moto mu Zowani, na kweruzga msumba wa No.*+ 15  Nizamupungulira ukali wane pa Sini, linga lakukhora chomene la Eguputo, na kuparanya ŵanthu ŵa mu msumba wa No. 16  Nizamupemba moto mu Eguputo, Sini wazamumbwambwantha, No wazamubwangandulika, ndipo Nofu* wazamuwukilika zuŵa lili ngee! 17  Ŵanyamata ŵa ku Oni* na Pibeseti ŵazamuwa na lupanga, ndipo misumba yizamuluta ku wuzga. 18  Zuŵa lizamuzgoka lifipa mu Tapanesi para naphyora joko la Eguputo.+ Nkhongono izo wakujikuzga nazo zizamumara,+ mabingu ghazamumubenekelera, ndipo vikaya vyake vizamuluta ku wuzga.+ 19  Nipelekenge cheruzgo pa Eguputo, ndipo ŵamanyenge kuti ine ndine Yehova.’” 20  Mu chaka cha 11, mu mwezi wakwamba, pa zuŵa la 7 la mwezi uwo, mazgu gha Yehova ghakiza kwa ine, ghakati: 21  “Mwana wa munthu, naphyora woko la Farawo, themba la Eguputo. Woko lake likakikenge chara kuti lichizgike nesi kukulungika na bandeji kuti liŵe na nkhongono zakunyamulira lupanga.” 22  “Ntheura ichi ndicho Fumu Yikuru Yehova yayowoya: ‘Sono nkhwimikana na Farawo themba la Eguputo,+ ndipo niphyorenge mawoko ghake ghose ghaŵiri, lankhongono na lakuphyoka lira,+ ndipo niwiskirenge pasi lupanga kufuma mu woko lake.+ 23  Pamasinda nimbininiskirenge Ŵaeguputo mukati mu ŵamitundu na kuŵamwalaliskira mu vyaru.+ 24  Nizamukhozga mawoko gha themba la Babuloni+ na kuŵika lupanga mu woko lake,+ ndipo nizamuphyora mawoko gha Farawo. Wazamutampha chomene pamaso pa themba la Babuloni nga ni munthu uyo wakumalizgika. 25  Nizamukhozga mawoko gha themba la Babuloni, kweni mawoko gha Farawo ghazamuguluruka. Para nazakaŵika lupanga lwane mu woko la themba la Babuloni ndipo ilo lasololera pa charu cha Eguputo,+ apo ndipo ŵazamumanya kuti ine ndine Yehova. 26  Nizamumbininiskira Ŵaeguputo mukati mu ŵamitundu na kuŵambininiskira mu vyaru.+ Ndipo ŵazamumanya kuti ine ndine Yehova.’”

Mazgu Ghamusi

Mazgu ghanyake, “fawundeshoni.”
Panji kuti, “wose ŵakufuma ku mitundu yinyake.”
Panyake ŵakunena Ŵaisrayeli awo ŵakakolerana na Eguputo.
Wakulembekaso kuti, “Nebukadirezara.”
Mazgu ghanyake, “Mifolo.”
Panji kuti, “Memfisi.”
Panji kuti, “mulongozgi.”
Ndiko kuti, Tebesi.
Panji kuti, “Memfisi.”
Ndiko kuti, Heliopolisi.