Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Ezekiyeli 2:1-10

IVYO VILI MU BUKU ILI

  • Ezekiyeli watumika kuŵa ntchimi (1-10)

    • ‘Kwali ŵamutegherezga panji ŵamukana’ (5)

    • Walongoreka mupukutu wa sumu zachitengero (9, 10)

2  Penepapo wakati kwa ine: “Mwana wa munthu, yimilira kuti niyowoye nawe.”+  Apo wakayowoyanga nane, mzimu ukanjira mwa ine na kuniyimika+ kuti nipulike uyo wakayowoyanga nane.  Iyo wakati kwa ine: “Mwana wa munthu, nkhukutuma iwe ku ŵanthu ŵa ku Israyeli,+ ku mitundu yakugaluka iyo yanigalukira.+ Iwo na ŵasekuru ŵawo ŵakuninangira m’paka muhanya uno.+  Nkhukutuma ku ŵana awo mbamtafu,* ŵanonono mtima,+ ndipo uŵaphalire kuti: ‘Ichi ndicho Fumu Yikuru Yehova yayowoya.’  Kwali iwo ŵamutegherezga panji ŵamukana kutegherezga, pakuti mba nyumba yachigaluka,+ kweni ŵazamumanya nadi kuti ntchimi yikaŵa pakati pawo.+  “Kweni iwe, mwana wa munthu, kuŵawopa chara,+ ndipo ungopanga mazgu ghawo yayi, nangauli wazingilizgika na visazali na minga*+ nakuti ukukhala pakati pa ŵakalizga. Kopa mazgu ghawo chara,+ ndipo ungatenthemanga na visko vyawo chara,+ pakuti mba nyumba yachigaluka.  Ukayowoye mazgu ghane kwa iwo, kwali ŵamutegherezga panji yayi, pakuti mbanthu ŵachigaluka.+  “Kweni iwe, mwana wa munthu, pulika ivyo nkhukuphalira. Ungaŵanga wachigaluka yayi nga ni nyumba yachigaluka iyi. Jura mulomo wako na kurya icho nkhukupa.”+  Nkhati nalaŵiska, nkhawona woko likanyoloskekera kwa ine,+ ndipo mu woko nkhawonamo mupukutu*+ wakulembeka. 10  Wakawutandazura pamaso pane, ndipo ukaŵa wakulembeka kuseri na kuseri.+ Mukalembeka sumu zachitima, zachitengero, na zachiliro.+

Mazgu Ghamusi

Panji kuti, “mbachisko chinonono.”
Pangayowoyekaso kuti, “nangauli ŵanthu mbamtafu ndipo ŵali nga ni vinthu vyakulasa kwa iwe.”
Panji kuti, “chizingo cha buku.”