Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Ezekiyeli 19:1-14

IVYO VILI MU BUKU ILI

  • Sumu yachitengero, kulilira ŵalongozgi ŵa Israyeli (1-14)

19  “Wimbe sumu yachitengero, kulilira ŵalongozgi ŵa Israyeli.  Ndipo uti: ‘Kasi nyoko wakaŵa njani? Wakaŵa nkhalamu yanakazi pakati pa zinkhalamu. Wakagona pasi pakati pa nkhalamu zankhongono ziwukirano na kulera ŵana ŵake.   Wakalera yumoza wa ŵana ŵake, ndipo wakazgoka nkhalamu yiwukirano yankhongono.+ Mwana uyu wakasambira kutwazura nyama, Wakaryanga nanga ni ŵanthu.   Mitundu ya ŵanthu yikapulika za mwana uyu, yikamukora mu mbuna yawo, Ndipo yikamukoloŵeka na nkholoŵeko+ na kumutolera ku charu cha Eguputo.   Nkhalamu yanakazi yira yikalindilira ndipo pamanyuma yikawona kuti palije chigomezgo chakuti mwana wake wawerengeko. Ntheura yikatora mwana wake munyake na kumutuma nga ni nkhalamu yiwukirano yankhongono.   Mwana uyu nayo wakendendeka pakati pa zinkhalamu ndipo wakazgoka nkhalamu yiwukirano yankhongono. Wakasambira kutwazura nyama, ndipo wakaryanga nanga ni ŵanthu.+   Wakajoŵelera mu vigongwe vyawo vyakukhora na kusakaza misumba yawo, Mwakuti charu chamayiyi chikazura na kubangura kwake.+   Mitundu ya ŵanthu ya mu vigaŵa vyapafupi yikiza kuzakamuwukira na kumutandazulira ukonde, Ndipo wakakoleka mu mbuna yawo.   Yikamukoloŵeka na nkholoŵeko na kumuŵika mu chitatanga,* ndipo yikamutolera kwa themba la Babuloni. Ŵakamujalira mu gadi kwenekura kuti mazgu ghake ghaleke kupulikikwaso pa mapiri gha Israyeli. 10  Nyoko wakaŵa nga ni khuni la mpheska+ mu ndopa zako,* ilo likapandika mumphepete mwa maji. Likapambika vipambi ndipo likaŵa na minthavi yinandi chifukwa cha maji ghanandi. 11  Likaŵa na minthavi yankhongono, yakwenelera kupangira ndodo zauthemba. Likakura kujumpha makuni ghose, Ndipo likawonekeranga patali chifukwa cha utali wake ndiposo chifukwa cha unandi wa mahamba ghake. 12  Kweni likazgulika mwaukali,+ na kuponyeka pasi, Ndipo mphepo ya kumafumiro gha dazi yikawomizga vipambi vyake. Minthavi yake yankhongono yikaphyoka na komira,+ ndipo yikanyeka na moto.+ 13  Sono khuni ili lapandika mu mapopa, Mu charu chambura maji na chakomira.+ 14  Moto ukagolera kufuma ku minthavi yake na kotcha mphukira zake na vipambi vyake, Ndipo pakaŵavya munthavi wankhongono uwo ukakhalapo, pakaŵavya ndodo yauthemba.+ “‘Iyi ni sumu yachitengero, ndipo yiŵe sumu yachitengero.’”

Mazgu Ghamusi

Mazgu ghanyake, “lwanga; ngwanda; chisalanga.”
Pangayowoyekaso kuti, “nga ni mpheska mu munda wako wa mpheska.”