Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

2 Ŵakorinte 6:1-18

IVYO VILI MU BUKU ILI

  • Kuwinda lusungu lukuru lwa Chiuta (1, 2)

  • Ivyo Paulosi wakakumana navyo (3-13)

  • Kukakika joko na ŵambura kugomezga yayi (14-18)

6  Pakugwira ntchito pamoza na iyo,+ tikumuŵeyaniso kuti muleke kuzomera lusungu lukuru lwa Chiuta na kuwinda chilato chake.+  Pakuti wakati: “Mu nyengo yakuzomerezgeka nkhakupulika, ndipo mu zuŵa la chiponosko nkhakovwira.”+ Chomene sono ndiyo nyengo yakuzomerezgeka. Wonani, sono ni zuŵa la chiponosko.  Tikuchita chinthu chilichose yayi chakukhuŵazga mwakuti uteŵeti withu uleke kusangika na kafukwa.+  Kweni munthowa yiliyose tikulongora kuti ndise ŵateŵeti ŵa Chiuta.+ Tikuzizipizga vinthu vinandi, masuzgo, ukavu, maunonono,+  kutimbika, kuŵikika mu jele,+ vivulupi, kugwira ntchito zinonono, kutchezera usiku wose, na kukhala kwambura chakurya.+  Tikulongora kuti ndise ŵateŵeti ŵa Chiuta chifukwa ndise ŵatuŵa, tikumanya vinthu, ndise ŵakuzikira,+ ndise ŵalusungu,+ tili na mzimu utuŵa, tili na chitemwa chambura upusikizgi,+  tikuyowoya unenesko, tili na nkhongono ya Chiuta.+ Kweniso tili na vilwero vyaurunji+ ku woko lamalyero na lamazere,  tikuchindikika na kuyuyulika, ŵakutiyowoyera viheni na viwemi. Ŵanthu ŵakutiwona nga ndise ŵapusikizgi kweni tikuneneska,  nga mbambura kumanyikwa kweni ndise ŵakumanyikwa, nga mbakufwa* kweni tili ŵamoyo,+ nga mbakulangika kweni tikukomeka yayi,+ 10  nga mbachitima kweni tikukondwa nyengo zose, nga mbakavu kweni tikovwira ŵanandi kuŵa ŵasambazi, nga mbambura kanthu kweni tili na vinthu vyose.+ 11  Tajura mulomo withu kuti tiyowoye na imwe,* Ŵakorinte, ndiposo tajura mtima withu. 12  Palije chakutijandizga kuti timutemwani,+ kweni imwe mukujandizgika kuti mulongore chitemwa kwa ise. 13  Ntheura nkhuyowoya namwe nga ŵana ŵane kuti namwe julani mitima yinu* nga umo ise tachitira kwa imwe.+ 14  Mungakakikanga mu joko* pamoza na ŵambura kugomezga yayi.+ Pakuti urunji ukukolerana wuli na kwananga?+ Panji ungweru ukukolerana wuli na chisi?+ 15  Kweniso pali kukolerana wuli pakati pa Khristu na Beliyali?*+ Panji kasi pali kukolerana wuli pakati pa munthu wakugomezga* na wambura kugomezga?+ 16  Kasi tempile la Chiuta likukolerana wuli na vikozgo?+ Pakuti ise tili tempile la Chiuta wamoyo,+ nga umo Chiuta wakayowoyera kuti: “Nizamukhala pakati pawo+ na kwenda pakati pawo, nizamuŵa Chiuta wawo, ndipo iwo ŵazamuŵa ŵanthu ŵane.”+ 17  “Yehova* wakuti: ‘Fumanipo pakati pawo, ndipo jipaturani kwa iwo, lekani kukhwaska chinthu chaukazuzi,+ ndipo nizamumupokelerani.’”+ 18  “Yehova* Wankhongonozose wakuti: ‘Nizamuŵa wiskemwe,+ ndipo imwe muzamuŵa ŵana ŵane ŵanalume na ŵanakazi.’”+

Mazgu Ghamusi

Panji kuti, “ŵakwenelera nyifwa.”
Panji kuti, “Tayowoya namwe mwakufwatuka.”
Panji kuti, “namweso musanuzge.”
Panji kuti, “Kudemelerana.”
Lizgu Lachihebere ilo likung’anamura “Munthu Wawakawaka.” Kunena Satana.
Panji kuti, “munthu wakupulikana.”