Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

2 Ŵakorinte 4:1-18

IVYO VILI MU BUKU ILI

  • Ungweru wa makani ghawemi (1-6)

    • Maghanoghano gha ŵambura kugomezga ghabulumutizgika (4)

  • Usambazi mu viŵiya vyadongo (7-18)

4  Ntheura pakuti tili na uteŵeti uwu kuyana na lusungu ulo wakatilongora, tikugongowa yayi.  Kweni taleka vinthu vyakubisika vyakukhozga soni, tikwenda mu uchenjezi yayi, nesi kutimbanizga mazgu gha Chiuta.+ Kweni tikujilumba tekha pamaso pa Chiuta ku njuŵi ya munthu waliyose apo tikupharazga unenesko.+  Usange makani ghawemi agho tikupharazga ngakubenekelereka, ipo ngakubenekelereka pakati pa awo ŵazamuparanyika.  Pakati pa ŵanthu aŵa, chiuta wa nyengo iyi*+ wabulumutizga maghanoghano gha ŵambura kugomezga,+ kuti ungweru* wa makani ghawemi ghauchindami ghakuyowoya vya Khristu, uyo ntchikozgo cha Chiuta,+ uleke kuŵala pa iwo.+  Pakuti tikujipharazga tekha yayi, kweni tikupharazga Khristu Yesu uyo ni Fumu, ndipo ise ndise ŵazga ŵinu chifukwa cha Yesu.  Pakuti Chiuta ndiyo wakati: “Ungweru uŵale kufuma mu chisi,”+ ndipo iyo waŵalira pa mitima yithu+ kwizira mu chisko cha Khristu kuti timanye makora uchindami wa Chiuta.  Kweni tili na usambazi uwu+ mu viŵiya vyadongo,+ kuti nkhongono zakuluska zakawiro ziŵe za Chiuta, zithu yayi.+  Tikufyenyeka chomene munthowa yiliyose, kweni tikutondeka kutukuluka yayi. Tikuhangayika, kweni tikusoŵerathu chakuchita yayi.+  Tikutambuzgika, kweni tikujowoleka waka yayi.+ Tikuponyeka pasi, kweni tikuparanyika yayi.+ 10  Nyengo zose tikuzizipizga masuzgo mu thupi lithu ndipo umoyo withu ukuŵa pangozi nga umo vikaŵira na Yesu,+ mwakuti umoyo wa Yesu uwonekeso mu thupi lithu. 11  Pakuti ise taŵamoyo, nyengo zose umoyo withu ukuŵa pangozi+ chifukwa cha Yesu, mwakuti umoyo wa Yesu uwonekeso mu thupi lithu ilo lingafwa. 12  Nangauli umoyo withu uli pangozi, kweni imwe mukusanga umoyo. 13  Pakuti kuli kulembeka kuti: “Nkhaŵa na chipulikano lekani nkhayowoya.”+ Sono nase tili na chipulikano chakuyana waka, lekani tikuyowoya. 14  Tikumanya kuti uyo wakawuska Yesu wazamuwuskaso ise pamoza na Yesu ndipo wazamupeleka ise pamoza na imwe.+ 15  Pakuti vinthu vyose vyachitika chifukwa cha imwe, mwakuti lusungu lukuru lusazgikire chifukwa ŵanandi ŵakuwonga kuti Chiuta wachindikike.+ 16  Ntheura tikugongowa chara, kweni nanga wunthu withu wakuwaro ukumara, nadi wunthu withu wamukati ukuzgoka uphya zuŵa na zuŵa. 17  Nangauli suzgo* njakanyengo na yakupepuka, yikutipa uchindami ukuru chomene ndipo ngwamuyirayira.+ 18  Pakuti tikulaŵiska pa vinthu vyakuwoneka yayi, kweni pa vinthu vyambura kuwoneka.+ Chifukwa vinthu vyakuwoneka ni vya kanyengo, kweni vinthu vyambura kuwoneka ni vyamuyirayira.

Mazgu Ghamusi

Panji kuti, “mgonezi uno.” Wonani Mang’anamuro gha Mazgu.
Panji kuti, “kuŵala.”
Panji kuti, “chiyezgo.”