Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

2 Ŵakorinte 2:1-17

IVYO VILI MU BUKU ILI

  • Paulosi wakukhumba kwiza na chimwemwe (1-4)

  • Wakwananga wakugowokereka na kuwezgekeramo (5-11)

  • Paulosi mu Trowa na Makedoniya (12, 13)

  • Uteŵeti, kukondwa chomene (14-17)

    • Tikusaska mazgu gha Chiuta yayi (17)

2  Pakuti ichi ndicho nasankha kuti nileke kwizaso kwa imwe na chitima.  Pakuti usange namuchitiskani chitima, kasi ni njani uyo wanisanguluskenge padera pa uyo namuchitiska chitima?  Nkhalemba icho nkhachita kuti para niza, nizakaleke kuchita chitima na awo nkhwenera kusekelera chifukwa cha iwo, pakuti nili na chigomezgo kuti icho chikunipa chimwemwe ndicho mose chikumupani chimwemwe.  Nkhamulemberani na masozi ghanandi chifukwa cha suzgo yikuru na kukweŵeka mtima kuti muchite chitima yayi,+ kweni kuti mumanye chitemwa icho nili nacho pa imwe.  Sono usange munthu wachita chinthu chakuchitiska chitima,+ wachitiska chitima ine yayi, kweni wachitiska chitima mose mu nthowa yinyake. Nkhukhumba kuyowoya vinandi vya nkhani iyi.  Ntchenyo iyo yapelekeka na ŵanthu ŵanandi njakukwana kwa munthu wanthena.  Sono mumugowokere na mtima wose na kumusanguluska,+ kuti waleke kuŵa* na chitima chikuru.+  Ntheura, nkhumuchiskani kuti mumulongore kuti mukumutemwa.+  Lekani nkhamulemberani kuti niwone usange mungalongora kuti mukupulikira nadi mu vinthu vyose. 10  Usange mukugowokera munthu na mtima wose, nane nkhugowoka. Nakuti ine, chilichose icho nagowokera (usange nagowokera kanthu) ntchifukwa cha imwe pamaso pa Khristu, 11  mwakuti Satana waleke kutichenjelera,*+ chifukwa njomba zake tikuzimanya.*+ 12  Sono nkhati nafika mu Trowa+ kuti nipharazge makani ghawemi ghakuyowoya vya Khristu, mulyango ukanijulikira kuti nichite mulimo wa Fumu. 13  Mtima wane ukaŵa mu malo yayi chifukwa Tito+ mubali wane, nkhamusanga chara. Ntheura nkhaŵalayira na kunyamuka kuya ku Makedoniya.+ 14  Kweni tiwonge Chiuta, uyo nyengo zose wakutilongozga pamoza na Khristu kuti tiŵe ŵakukondwa chomene. Ndipo kwizira mwa ise sungu la kumumanya iyo likupulikikwa mu malo ghalighose. 15  Pakuti tili sungu liwemi kwa Chiuta chifukwa tikupharazga vya Khristu pakati pa awo ŵakuponoskeka na pakati pa awo ŵakuparanyika. 16  Kwa awo ŵakuparanyika tili sungu la nyifwa kulongozgera ku nyifwa,+ kweni ku awo ŵakuponoskeka tili sungu la umoyo kulongozgera ku umoyo. Ndipo ni njani uyo ngwakwenelera kuchita vinthu ivi? 17  Ndise, pakuti tikusaska* mazgu gha Chiuta yayi,+ nga umo ŵanthu ŵanandi ŵakuchitira, kweni tikuyowoya na unenesko wose pakuŵa ŵalondezgi ŵa Khristu pamaso pa Chiuta, kweniso nga mbanthu awo ŵatumika na Chiuta.

Mazgu Ghamusi

Panji kuti, “kumilika.”
Panji kuti, “kutithereska.”
Panji kuti, “chifukwa vilato vyake tikuvimanya.”
Panji kuti, “tikuguliska; tikusangirapo chandulo pa.”