Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

1 Timote 2:1-15

IVYO VILI MU BUKU ILI

  • Kulombera ŵanthu wose (1-7)

    • Chiuta yumoza, muphemaniski yumoza (5)

    • Muwomboli wa ŵanthu wose (6)

  • Ulongozgi ku ŵanalume na ŵanakazi (8-15)

    • Kuvwara mwakwenelera (9, 10)

2  Ntheura, chakwamba nkhumuchiskani kuti mulombenge kwa Chiuta, kuwonga, kulomberana, na kumuŵeyelera m’malo mwa ŵanthu ŵa mitundu yose,  mathemba, na wose awo ŵali na mazaza,*+ mwakuti tikhalenge umoyo wa bata na wakufwasa kweniso kuti tisopenge Chiuta mwakukwana na kuŵikapo mtima.+  Ichi ntchiwemi na chakuzomerezgeka pamaso pa Chiuta, Mponoski withu,+  uyo khumbo lake ndakuti ŵanthu ŵa mitundu yose ŵamanye makora unenesko na kuponoskeka.+  Pakuti pali Chiuta yumoza,+ ndiposo pali munthu yumoza uyo ni muphemaniski+ pakati pa Chiuta na ŵanthu,+ munthu uyu ni Khristu Yesu+  uyo wakajipeleka yekha kuŵa sembe yakuwombolera ŵanthu wose.+ Uwu ndiwo uzamuŵa ukaboni pa nyengo yake.  Chifukwa cha ukaboni uwu,+ lekani nkhasoleka kuŵa mupharazgi na mpositole.+ Nkhuyowoya unenesko, nkhuteta yayi. Nkhasoleka kuti ŵamitundu niŵasambizge+ chipulikano na unenesko.  Ntheura nkhukhumba kuti mu malo ghose, ŵanalume ŵalutilire kulomba, kuwuska muchanya mawoko ghawo ghatuŵa,+ kwambura ukali+ na kususkana.+  Mwakuyana waka, ŵanakazi ŵajitozgenge na vyakuvwara vyakwenelera,* mwasoni ndiposo mwamahara,* na masitayero gha kuluka sisi yayi, nesi na golide panji ngale panji chakuvwara cha mtengo wapatali.+ 10  Kweni ŵajitozgenge mwakwenelera nga mbanakazi awo ŵakuti ŵakusopa Chiuta,+ kwizira mu milimo yiwemi. 11  Mwanakazi wakhalenge chete para wakusambira, ndiposo waŵe wakujilambika chomene.+ 12  Nkhuzomerezga yayi kuti mwanakazi wasambizgenge, nesi kuŵa na mazaza pa mwanalume, kweni wakhalenge chete.+ 13  Pakuti Adamu ndiyo wakamba kupangika, ndipo pamanyuma pake, Eva.+ 14  Nakuti Adamu wakapusikika yayi, kweni mwanakazi ndiyo wakapusikika+ ndipo wakananga. 15  Kweni mwanakazi wavikilirikenge mwa kubaba ŵana,+ chikuru wakulutilira mu chipulikano na chitemwa na utuŵa pamoza na mahara.+

Mazgu Ghamusi

Panji kuti, “awo mbapachanya.”
Panji kuti, “vyantchindi.”
Panji kuti, “ŵakughanaghana makora.”