Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

1 Samuyeli 2:1-36

IVYO VILI MU BUKU ILI

  • Lurombo lwa Hana (1-11)

  • Zakwananga za ŵana ŵaŵiri ŵa Eli (12-26)

  • Yehova wakweruzga nyumba ya Eli (27-36)

2  Penepapo Hana wakayowoya mu lurombo, wakati: “Mtima wane ukusekelera mwa Yehova,+ Sengwe* lane lakwezgeka mwa Yehova. Mulomo wane wayasamira ŵalwani ŵane, Pakuti nkhusekelera mu milimo yinu yakuponoska.   Kulije munyake mutuŵa nga ni Yehova, Kulije munyake, kweni imwe pera,+ Ndipo kulije jalawe lakuyana na Chiuta withu.+   Mungalutiliranga kuyowoya mwakujikuzga chara, Kanthu kose kamtonyoro kangafumanga chara mu mulomo winu, Pakuti Yehova ni Chiuta wakumanya tunthu,+ Ndipo milimo yikupimika makora chomene na iyo.   Mauta gha ŵanthu ŵankhongono ghakuphyoka, Kweni awo ŵakukhuŵara ŵakupika nkhongono.+   Ŵanthu awo ŵakaryanga makora, sono ŵakulimiska kuti ŵasange chingwa, Kweni ŵanjara ŵaliso na njara chara.+ Mwanakazi chumba wababa ŵana 7,+ Kweni uyo wakaŵa na ŵana ŵanandi wakhala mawoko ghawaka.*   Yehova wakukoma na kusungilira umoyo.* Wakukhizgira munthu ku Dindi* na kuwuskaso.+   Yehova wakukavuska munthu, ndipo wakusambazga.+ Wakukhizga munthu, ndipo wakukwezga.+   Wakuwuska munthu wakuyuyuka pa fuvu. Wakunyamuska ŵakavu pa vyoto,*+ Kuti waŵakhazike pamoza na ŵakaronga, Wakuŵapa chitengo cha ntchindi. Pakuti ivyo vikukhozga charu chapasi ni vya Yehova,+ Ndipo wakuŵikapo dongo lavundira pa ivyo.   Wakuvikilira malundi gha ŵakugomezgeka ŵake,+ Kweni ŵaheni ŵachetamiskikenge mu chisi,+ Pakuti munthu wakutonda na nkhongono zake chara.+ 10  Yehova waswenge awo ŵakulimbana nayo.+ Wadudumirenge kwimikana nawo kufuma kuchanya.+ Yehova weruzgenge m’paka ku vigoti vya charu chapasi,+ Wapelekenge nkhongono kwa themba lake,+ Na kutumphuska sengwe* la wakuphakazgika wake.”+ 11  Elikana wakaluta ku nyumba yake ku Rama. Kweni msepuka yura wakaŵa muteŵeti wa* Yehova+ pamaso pa Eli wasembe. 12  Sono ŵana ŵa Eli ŵakaŵa ŵaheni.+ Yehova ŵakaŵa nayo na ntchito yayi. 13  Ichi ndicho ŵakachitanga na vinthu vya ŵasembe vyakufuma ku ŵanthu:+ Usange munthu wakupeleka sembe, muteŵeti wa wasembe wakizanga na chifoloko mu woko lake para nyama yikubwata pa moto, 14  wakachinjizganga mu m’phika, nkhali, chimphani, panji mu buzi. Chilichose icho chifoloko chazuwura, wasembe wakatoranga kuŵa chake. Ndimo ŵakachitiranga mu Shilo ku Ŵaisrayeli wose awo ŵakizanga kura. 15  Kweniso pambere munthu wandawotche mafuta,+ muteŵeti wa wasembe wakizanga na kumuphalira kuti: “Peleka nyama kwa wasembe kuti wawotche. Wapokenge chara nyama yakuphika kwa iwe, kweni nyama yiŵisi pera.” 16  Para munthu yura wakuti: “Ŵasunkhizge dankha mafuta,+ kufuma apo mungatora yiliyose iyo mwakhumba,”* iyo wakatenge: “Yayi, nipa sono nthena. Usange yayi, nitolerenge nkholi.” 17  Ntheura kwananga kwa ŵateŵeti kukaŵa kukuru chomene pamaso pa Yehova,+ pakuti ŵanthu ŵakayuyuranga sembe za Yehova. 18  Sono Samuyeli wakateŵeteranga+ pamaso pa Yehova, wakavwaranga* efodi wasalu yiwemi,+ nangauli wakaŵa msepuka. 19  Kweniso anyina ŵakamusoneranga chakuvwara chichoko cha mawoko ghafupi, ndipo ŵakalutanga nacho kwa iyo chaka na chaka para ŵaluta na afumu ŵawo kukapeleka sembe za chaka na chaka.+ 20  Eli wakatumbika Elikana na muwoli wake, wakati: “Yehova wakupe mwana kufuma mwa mwanakazi uyu mu malo mwa uyo mwapeleka kwa Yehova.”+ Mbwenu ŵakawelera kukwawo. 21  Yehova wakakumbuka Hana, mwakuti wakatoranga nthumbo.+ Wakababaso ŵana ŵanalume ŵatatu na ŵasungwana ŵaŵiri. Msepuka Samuyeli wakalutilira kukura pamaso pa Yehova.+ 22  Sono Eli wakaŵa muchekuru chomene, kweni wakapulika vyose ivyo ŵana ŵake ŵakachitiranga+ Ŵaisrayeli wose na umo ŵakagoneranga na ŵanakazi awo ŵakateŵeteranga pa mulyango wa chihema chakukumanamo.+ 23  Wakatenge kwa iwo: “Kasi mukuchitirachi vinthu vyanthena ivi? Pakuti ivyo nkhupulika vya imwe kufuma ku ŵanthu wose ni viheni. 24  Yayi, ŵana ŵane, ivyo nkhupulika vikuyowoyeka pakati pa ŵanthu ŵa Yehova ni viwemi yayi. 25  Usange munthu wanangira munyake, yunji wangamuŵeyelelera kwa Yehova.* Usange munthu wanangira Yehova,+ ni njani wangamulombera?” Kweni ŵakakana kupulikira awiskewo, chifukwa Yehova wakaŵikapo mtima kuti waŵakome.+ 26  Pa nyengo yira, msepuka Samuyeli wakalutilira kukura mu msinkhu, wakatemwekanga na Yehova na ŵanthu wuwo.+ 27  Munthu wa Chiuta wakiza kwa Eli, wakati kwa iyo: “Yehova wakuti: ‘Asi nkhajivumbura ku nyumba ya wuso apo wakaŵa muzga ku Eguputo mu nyumba ya Farawo?+ 28  Nkhamusora kufuma pa mafuko ghose gha Israyeli+ kuti wateŵetere nga wasembe wane na kukwera pa jotchero lane+ kupeleka sembe, kotcha vyakununkhira,* na kuvwara efodi pamaso pane. Nkhapeleka ku nyumba ya sekuru wako sembe zose zakotcha pa moto za Ŵaisrayeli.*+ 29  Chifukwa wuli imwe mwaŵanthu mukupepura* sembe na vyakupeleka vyane ivyo nkhayowoya kuti vipelekekenge mu malo ghane ghakukhalamo?+ Chifukwa wuli ukulutilira kuchindika ŵana ŵako kuluska ine pakujitutuŵiska na vigaŵa viwemi chomene vya sembe yiliyose ya ŵanthu ŵane Israyeli?+ 30  “‘Lekani mazgu gha Yehova Chiuta wa Israyeli ghakuti: “Nkhayowoya nadi kuti nyumba yako na nyumba ya sekuru wako yendenge pamaso pane nyengo zose.”+ Kweni sono Yehova wakuti: “Ningachichita chara, chifukwa awo ŵakunichindika niŵachindikenge,+ kweni awo ŵakunipepura, ŵayuyulikenge.” 31  Wona, mazuŵa ghakwiza apo nizamudumura nkhongono zako* na za nyumba ya awuso, mwakuti mu nyumba yako muzamuŵavya munthu wakukhala m’paka uchekuru wake.+ 32  Ndipo uzamulaŵiska pa mulwani mu malo ghane ghakukhalamo pakati pa viwemi vyose ivyo vikuchitikira Israyeli.+ Munthu muchekuru wazamuŵamoso chara mu nyumba yako. 33  Munthu wakwako uyo nindamudumure kuteŵetera pa jotchero lane wazamufuŵiska maso ghako na kukukhizgira chitima,* kweni ŵanandi ŵa nyumba yako, ŵanthu ŵazamuŵakoma na lupanga.+ 34  Icho chichitikirenge ŵana ŵako ŵaŵiri, Hofini na Finehasi, chiŵenge chimanyikwiro kwa iwe: Wose ŵaŵiri ŵafwenge zuŵa limoza.+ 35  Penepapo nizamujiwuskira wasembe wakugomezgeka.+ Wazamuchita kuyana na ivyo mtima wane ukukhumba.* Nizamumuzengera nyumba yamuyirayira, ndipo wazamwenda pamaso pa wakuphakazgika wane nyengo zose. 36  Waliyose uyo wakhalengepo mu nyumba yako wizenge na kumusindamira kuti wapike ndalama na chingwa. Watenge: “Nkhumuŵeyani, munipeko mulimo wa usembe kuti niryengeko kachingwa.”’”+

Mazgu Ghamusi

Panji kuti, “Nkhongono.” Wonani Mang’anamuro gha Mazgu.
Mazgu gheneko, “waphapa.”
Panji kuti, “kuwezgeramo umoyo.”
Panji kuti, “Sheole,” ndiko kuti, malaro. Wonani Mang’anamuro gha Mazgu.
Pangayowoyekaso kuti, “chizara.”
Panji kuti, “nkhongono za.” Wonani Mang’anamuro gha Mazgu.
Panji kuti, “wakateŵeteranga.”
Panji kuti, “iyo umoyo wako wadokera.”
Mazgu gheneko, “wakajikaka na.”
Pangayowoyekaso kuti, “Chiuta wamweruzgenge.”
Pangayowoyekaso kuti, “kusunkhizga vyakununkhira.”
Mazgu gheneko, “ŵana ŵa Israyeli.”
Mazgu gheneko, “mukubafura.”
Mazgu gheneko, “woko lako.”
Panji kuti, “kukwenyerezga umoyo wako.”
Panji kuti, “ivyo vili mu mtima wane na mu umoyo wane.”