Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Ŵaefeso 3:1-21

IVYO VILI MU BUKU ILI

  • Chisisi chakupatulika chikusazgapo Ŵamitundu (1-13)

    • Ŵamitundu mbahaliri ŵamoza na Khristu (6)

    • Khumbo la Chiuta lamuyirayira (11)

  • Kulombera Ŵaefeso kuti ŵaŵe ŵamahara (14-21)

3  Pa chifukwa ichi, ine Paulosi ndine kayidi+ chifukwa cha Khristu Yesu m’malo mwa imwe ŵanthu ŵamitundu.  Muli kupulika nadi kuti nili kupika uteŵeti+ wakuti nimovwirani kuti musange chandulo na lusungu lukuru lwa Chiuta.  Nga umo nkhalembera pakwamba mwakudumura, chisisi chakupatulika* chikavumbulika kwa ine.  Ntheura para mukuŵazga ichi, mungamanya umo nkhupulikiskira chisisi chakupatulika*+ cha Khristu.  Mu miwiro yinyake, chisisi chakupatulika* ichi chikamanyikwa yayi ku ŵana ŵa ŵanthu nga umo sono chavumbukwira mwa mzimu ku ŵapositole ŵake ŵatuŵa na ntchimi,+  kuti kwizira mu makani ghawemi ŵanthu ŵamitundu ŵaŵe ŵahaliri ŵamoza na kuŵa viŵaro vya thupi+ ndiposo ŵakusangana nase mu layizgano pamoza na Khristu Yesu.  Nkhazgoka muteŵeti wa chisisi ichi chifukwa cha lusungu lukuru lwa Chiuta. Wakanipa chawanangwa ichi kuti walongore nkhongono zake.+  Lusungu lukuru ulu lukapika kwa ine,+ munthu muchoko chomene pa ŵatuŵa wose,+ mwakuti nipharazge ku mitundu makani ghawemi ghakuyowoya za usambazi wambura kumara wa Khristu.  Ndiposo kuti nilongore ŵanthu umo chisisi chakupatulika*+ chikwendeskekera, icho kufuma kale chikabisika mwa Chiuta, uyo wakalenga vinthu vyose. 10  Vikaŵa nthena kuti kwizira mu mpingo,+ vinjeru vya Chiuta ivyo vikulongoreka mu nthowa zinandi, vimanyikwe ku maboma na mazaza agho ghali mu malo ghakuchanya.+ 11  Ichi chikukolerana na khumbo lamuyirayira ilo wakaŵa nalo lakukhwaskana na Khristu,+ Yesu Fumu yithu. 12  Kwizira mwa iyo tili na wanangwa uwu wakuyowoya ndipo na chigomezgo chose tikusendelera kwa Chiuta+ chifukwa tili na chipulikano mwa Yesu. 13  Ntheura nkhumupemphani kuti mungalekanga yayi chifukwa cha masuzgo agho nkhusangana nagho chifukwa cha imwe, pakuti uwu mbuchindami winu.+ 14  Pa chifukwa ichi, nkhujikama pasi makongono ghane kwa Adada, 15  kwa awo kukufuma mazina gha mbumba zose izo zili kuchanya na pa charu chapasi. 16  Nkhulomba kuti ŵamupani mwakuyana na usambazi wauchindami wawo, kuti wunthu winu wamukati+ uŵe wankhongono kwizira mu mzimu wawo. 17  Ndiposo kuti kwizira mu chipulikano chinu, Khristu wakhale mu mitima yinu pamoza na chitemwa.+ Mphanyi mwajintha misisi+ na kukhazikika pa fawundeshoni,+ 18  kuti pamoza na ŵatuŵa wose mumanye makora uwo mbusani, utali, kutumphuka, na kunyang’amira kwa unenesko. 19  Ndiposo kuti mumanye chitemwa cha Khristu+ icho chikuluska kumanya vinthu, mwakuti muŵe na mikhaliro yose iyo Chiuta wakupeleka. 20  Sono kwa uyo wangafiska, kuyana na nkhongono zake izo zikugwira ntchito mwa ise,+ wachite vinandi nkhanira kuluska vinthu vyose ivyo tikulomba panji kughanaghana,+ 21  iyo wapike ntchindi kwizira mu mpingo ndiposo kwizira mwa Khristu Yesu mu miwiro yose muyirayira swii. Ameni.

Mazgu Ghamusi

Panji kuti, “chamuchindindi chakupatulika.”
Panji kuti, “chamuchindindi chakupatulika.”
Panji kuti, “chamuchindindi chakupatulika.”
Panji kuti, “chamuchindindi chakupatulika.”